芝士豆腐黑松露焗釀大蘑菇

屋企個個都無肉不歡，

但其實只要花D心思，

素菜都可以做到有肉食既口感。

今次呢個焗釀大蘑菇，

加左黑松露醬、豆腐同芝士，

配合厚大蘑菇既口感，

非常好食，而且營養豐富～

一開飯之後，家中各人即刻掃晒～

下次真係要整多D~

材料：
中型蘑菇   6隻
甘筍碎 2湯匙
滑豆腐     一盒
黑松露醬 一湯匙
芝士   適量
橄欖油 適量


做法：
1. 蘑菇先用濕布或濕既廚房紙擦拭，去頂後，加橄欖油，放入焗爐，用180度焗10分鐘。

2. 期間可準備豆腐。將豆腐隔水蒸10分鐘，令豆腐水份釋出。
3. 將豆腐壓碎，加有甘筍碎同半湯匙黑松露醬拌勻。

4. 將拌勻的豆腐餡料釀入蘑菇，鋪上芝士，180c 焗10-15分鐘至芝士金黃即可。

5. 上桌前加上少許黑松露醬裝飾，加強味道。



姊姊心得：
因豆腐水份很多，所以先蒸10分鐘令豆腐中的水份迫出，之後再焗就不會水汪汪。