黑醋蜜糖煎焗豬鞍

豬鞍除左慢煮外，其實煎焗一樣都好味!!
今次分享既「黑醋蜜糖煎焗豬鞍」就好岩夏天食啦~
 酸酸甜甜好開胃~~

明太子忌廉全麥意粉 [孕媽媽都可以食喔!]

懷孕時好多野食都要戒口~

如果有妊娠糖尿既話，白飯/麵包類高升糖(GI)既食物梗加要忍一忍，

所以懷孕期好多時主食都會用低升糖既意粉代替!

 

咁 大肚可以食明太子咩?

明太子係以鱈魚卵加工並以「鹽」醃製而成的味道較鹹，
而且係生既。所以孕媽媽想食一定要煮熟呢~~

只要係來源乾淨，煮熟就冇問題，
今次pack明太子係一田買既~~

而且用左全麥意粉，梗加健康有益!

黑松露蘑菇忌廉湯

夏天有時真係冇咩mood食飯…但又唔想求求其一餐…
今次就煮左個西湯，配埋蒜蓉包~~一流!! 
懶得黎都要對自己好D~~haha

材料：(3-4 人份量)

 
白菇啡菇   400g
洋蔥      1個
牛油      20g
雞湯      500ml
麵粉      2湯匙
淡忌廉     100ml+ 適量 裝飾用
海鹽      適量
黑胡椒碎  適量
黑松露醬  適量

做法:
1. 白菇啡菇抹乾淨切片，洋蔥切碎
2. 先用牛油把洋蔥碎炒香至透明

3. 加入菇片炒一炒，再下麵粉炒勻

4. 下雞湯, 海鹽及黑胡椒碎調味，煮至滾起熄火
5. 利用電動攪拌棒將所有材料打成蓉

6. 加入淡忌廉及黑松露醬拌勻即成

配埋蒜蓉包真係好好味呢~

忌廉南瓜蜆肉意粉

南瓜營養豐富，含有澱粉質、蛋白質、胡蘿卜素、維生素B&C，
同埋孕婦好需要既黃體素，而蜆肉亦都有豐富既蛋白質同鐵質!

有人怕擔心食海鮮會影響BB皮膚，
又怕佢出世後易敏感，所以會懷孕期間戒食海鮮。
我就問過西醫，其實BB皮膚/敏感同媽媽飲食關係冇關，
最重要係海鮮要切底煮熟!!
所以除左寒涼既蟹，其他海鮮我都有食~~

黃金風琴焗薯/ 芝士煙肉醬風琴焗薯

超級簡單容易!!!而且兩個醬都好邪惡呀~~

特別新出個隻芝士煙肉醬，勁好味!!!!

一定要試呀喂!

70%黑松露醬本菇炒意粉

 

Green Monday其實食意粉好簡單又方便!!!

用唔同醬加D雜菌/豆一齊炒就完成!!

焗豬扒飯

港式蕃茄焗豬排飯真係同叉燒飯一樣，幾時食都覺得好好味。
今次呢個係新手簡單版，|
用左罐頭蕃茄，味道比新鮮蕃茄易手易控制，
因為新鮮蕃茄甜酸度不一，新手入廚的話一般比較難調味。
今次呢個焗豬排飯非常滿意，一家三口話咁快就清晒！

芝士豆腐黑松露焗釀大蘑菇

屋企個個都無肉不歡，

但其實只要花D心思，

素菜都可以做到有肉食既口感。

今次呢個焗釀大蘑菇，

加左黑松露醬、豆腐同芝士，

配合厚大蘑菇既口感，

非常好食，而且營養豐富～

一開飯之後，家中各人即刻掃晒～

下次真係要整多D~

*蟹肉蒜香炒意粉*

呢款「蟹肉蒜香炒意粉」，做法簡單又省時!

另一半食到lamlam脷就係我最大既滿足!

Green Monday- 青醬松子本菇炒意粉

Green Monday要食Green D~~

今次分享一個簡單易整既青醬意粉~~

超市都會有一樽樽既青醬買，但其實自己動手整都好容易!!

而且會梗加新鮮，仲可跟據自己既口味略略調節!!
 

泰式牛肉沙律

家姐我放完假返到黎熱辣辣澳洲，

一時間都有D唔習慣，天氣太熱~~

連廚房都唔想入，但又唔可以唔煮飯架嘛，

所以就整多D涼爽既餸菜，今次就整「泰式牛肉沙律」, 

酸酸地好味又開胃，而且有靚牛肉，老公就唔會話太齋喇~~

酥皮三文魚芝士批

情人節除左心型牛扒，

其實心心酥皮三文魚芝士批都一樣咁SWEET~

今次呢個三文魚批，可以早一晚整定放雪櫃，

到時候再掃上蛋汁去焗，

咁就有更多時間打扮靚靚，

享受浪漫既晚餐~~

香煎慢煮鴨胸 [伴黑醋汁沙律]

鴨胸好多時都會食煙鴨胸/焗鴨胸

今次用慢煮去整鴨胸，肉質好淋滑，

而且肉汁豐富！

慢煮後再煎香外皮，又香又脆，
..

而且預早切成格仔紋，煎香後賣相更吸引~

黎緊既情人節大餐，大家可以試下整呢~
  

「慢煮豬鞍伴忌廉蘑菇汁」-Sous vide/ Slow cook Pork Chop

之前試過用蒸爐慢煮豬鞍，但效果未如理想

有左Slow cook tower又買到豬鞍!!!終於可以再試…

果然好夠淋，而且豬鞍已熟
仍保持粉紅色，配埋之前分享既忌廉蘑菇汁

係屋企都做到高級餐廳既味道!!
聖誕大餐係屋企食無難度~

葡汁焗雙蔬 (西蘭花+椰菜花)

前幾日家姐我買到好靚又新鮮既西蘭花同椰菜花，
唔想鹽水烚咁齋，所以就想到可以用葡汁芝士焗。

我重特別係葡汁入面加左黃薑粉(Turmeric Powder)，
因為黃薑含有既薑黃素對身體各部分都非常有益，
但最緊要係對腦部發展好有幫助，
小朋友多食會聰明D身體又健康D，呢樣係做媽媽最關心！

慢煮- 蜜糖芥末籽雞胸

整完慢煮三文魚之後，今次試整雞胸，
雞胸平時食會覺得較鞋烚烚…

但經過慢煮之後，原來雞胸都可以好滑，啖啖肉…

用蜜糖芥末籽醃入味，甜甜地好好味!!!

而且今次係用澳洲Lilydale free ranges既雞胸，
冇激素食得健康又放心!!

墨西哥風味焗雞槌 配蜜糖乳酪醬

大家有冇食過墨西哥既小食TACO呢?

TACO有佢獨特既風味，微辣得黎又好惹味!!!

今次就用左TACO既香料用黎醃雞槌再加Haolumi cheese拎去焗~
享用時配埋蜜糖乳酪醬!!!好夾呀~

而且係用澳洲Lilydale無激素走地雞!!食多2隻都唔怕~~

慢煮香草三文魚配希臘乳酪醬 - Nolwenn & Cole Slow-Cooking Tower 慢煮器

慢煮(Sous Vide) 近年成為大熱既烹調方法，
阿妹我之前係屋企試過用蒸爐低溫慢煮豬鞍，但效果一般。
平靜既水唔可以令食物平均受熱。

今次試用左 Nolwenn & Cole 既 Slow-Cooking Tower之後發現，

原來低溫慢煮一D都唔麻煩，只要有好既工具幫手，
係屋企都可以輕輕鬆鬆做到高級餐廳既效果!

我用 Slow-Cooking Tower黎煮三文魚柳。

經慢煮方法煮既三文魚真係好滑好嫩…

我都係第一次試呢種質感，比新鮮刺身口感更好!!!

而且最後用火槍灸燒魚皮部分，微焦既香氣，
配埋希臘乳酪醬，Wow~ !!!!

哈羅米 (Haloumi) 芝士羽衣甘藍藜麥沙律配檸蜜沙律汁 (附示範短片)

市場上有好多種唔同既芝士，常見既有夾三文治/漢堡包用既Cheddar芝士、食Pizza 用既Mozzarella 芝士，同埋灑上沙律或意粉既Parmesan 芝士。

大家對芝士大概既印象，應該係芝士遇熱就好易溶，而且好易燒焦既。但今日用黎整沙律既食材 -- Haloumi 芝士就會可能帶俾你一D驚喜。