AIRESTEC pH 7.0酵素洗冷氣!

呀妹搬屋時，屋企3部冷氣機都係全新既，
唔覺唔覺都用左5年啦!!
夏天開冷氣時keep住都會清洗隔塵網，
自從有左小朋友後，留意既野都多左…
樣樣都會從佢地既健康出發!!
呀妹本身都係敏感底，都好怕bbs似我。

[孕婦/母乳媽媽湯水] 鮮奶豆腐紅衫魚湯

無論孕媽媽/母乳媽媽要飲多D魚湯，
除左蕃茄魚湯，都可以煲鮮奶魚湯~

一樣鮮甜有益又有營養~~

我煲湯時會將紅衫魚壓爛，更易出味!所以一定要隔渣呢~~

[孕婦食譜]蓮子百合南棗燉黃耳

黃耳除左可以用鮮奶燉，亦可以加配料燉糖水，
因為唔係個個孕婦都接受鮮奶。

同樣健康有益!!又滋潤~~

明太子忌廉全麥意粉 [孕媽媽都可以食喔!]

懷孕時好多野食都要戒口~

如果有妊娠糖尿既話，白飯/麵包類高升糖(GI)既食物梗加要忍一忍，

所以懷孕期好多時主食都會用低升糖既意粉代替!

 

咁 大肚可以食明太子咩?

明太子係以鱈魚卵加工並以「鹽」醃製而成的味道較鹹，
而且係生既。所以孕媽媽想食一定要煮熟呢~~

只要係來源乾淨，煮熟就冇問題，
今次pack明太子係一田買既~~

而且用左全麥意粉，梗加健康有益!

早餐一齊Cheer啦!

 

你今日食左早餐未呀?

 一齊Cheer啦!

早餐係支撐我地一日活動既精力來源，
好多時大家都會忽略左早餐，但對於岩岩訓醒既大腦、
其他身體部位所需要能量就會唔足夠。
所以食早餐係可以提高學習能力與工作效率!

呀妹我由大肚開始，就係屋企食早餐先出門返工!
到生完bbs後都一直keep住!

屋企食可以輕鬆D，又可以望bbs多一陣haha

今次就同大家介紹一個又健康又簡單方便既早餐!

一包穀物，一杯鮮奶簡易配搭就係個營養早餐~

[坐月湯水] 杜仲巴戟黑豆煲豬骨湯

呢個湯之前久不久都會煲俾另一半飲，
因為杜仲巴戟舒筋活絡、壯腰强腎，對於成日返工要企要搬重野既佢好岩!!
但原來都好岩坐月時飲，補益氣血，產後氣血不足，
腰膝痠軟背痛既媽媽都非常適合，
但患感冒及體質燥熱人士不宜。(有問題可先請教中醫)

多數我都會去藥材鋪買D預先pack好既湯包，
價錢唔貴，又唔使自己逐樣執，簡單方便，
岩晒我地慳時間既媽媽~~

忌廉南瓜蜆肉意粉

南瓜營養豐富，含有澱粉質、蛋白質、胡蘿卜素、維生素B&C，
同埋孕婦好需要既黃體素，而蜆肉亦都有豐富既蛋白質同鐵質!

有人怕擔心食海鮮會影響BB皮膚，
又怕佢出世後易敏感，所以會懷孕期間戒食海鮮。
我就問過西醫，其實BB皮膚/敏感同媽媽飲食關係冇關，
最重要係海鮮要切底煮熟!!
所以除左寒涼既蟹，其他海鮮我都有食~~

姬松茸太子參燉湯

最近天氣仲係忽冷忽熱，出入商場又凍...

即刻整返個燉湯打下底~~

姬松茸有增強免疫力、改善肝功能、補腎功效;

而太子參有補肺益氣、健脾生津、抗疲勞、增強機體抵抗力的作用

[懷孕食譜] 蟲草花姬松茸杞子蒸雞翼

 大肚媽媽既要食得健康有營養，當然都要好味啦!
蟲草花可增強體力； 姬松茸有增強免疫力、有補腎功效;

而雞翼亦會選擇無打針，無激素既~~

簡簡單單好岩懷孕時食架~有益又有營養!

[孕婦湯水] 淮山蓮子肇實煲牛鰍魚湯

牛鰍魚性平，含有豐富蛋白質，碘質，有健脾養胃及補血之效，適合氣血不足之人食用。亦好岩女士/孕媽媽飲架~~

之前頂住個大肚行街市，打算買梳羅魚煲湯，
點知隔離左右幾個太太都推薦我買梳羅隔離既牛鰍魚煲湯
(成日聽到牛鰍魚好有益…但我之前唔知個D係牛鰍魚XD”)

佢地狂話牛鰍岩我飲，又話唔係成日有得買
佢地個個都買….咁我就唔執輸都買返幾條:P

紅豆紫米露

自從懷孕後，好多野都要戒口，
凍既生冷既通通唔食得…甜既又可以食太多~

女仔最中意既飯後甜品，梗加得個恨字….

其實適量甜品都可以食既，但中式糖水比較適合，紅豆沙，芝麻糊，合桃露都OK~~
今次分享既紅豆紫米露梗加有益!!
自己煲可以控制甜度，食多少少都唔怕啦!!
而且用真空煲煲，快靚正又方便!

紅豆益氣補血, 有助去濕消腫利尿。
紫米有滋陰補腎，健脾暖肝, 而且含有豐富既蛋白質&鐵質、非常補血。可
以幫助促進血液循環的特性，有「坐月子米、補血米」的稱號!

陳皮杞子蒸龍躉

係街市買左件龍躉腩，簡簡單單加陳皮杞子蒸已經好鮮味。

而且龍躉皮好厚好有膠質，女仔食多D補補膠原BB~

[孕婦食譜] 藍莓奇亞籽麥片乳酪杯

懷孕後過左3個月踏入穩定期後，就開始食多左乳酪!!
夏天唔食得雪糕，食乳酪都可以滿足下。
乳酪含有豐富既乳酸菌&益生菌，而奇亞籽就有豐富既膳食纖維，蛋白質&維他命B，促進腸胃功能，又可增加飽肚感。

準媽媽最好揀低糖既純乳酪(我就中意食希臘乳酪)。而且買細杯裝，每次一杯確保衛生。

老陳皮冰糖燉檸檬

最近熱捧既陳皮冰糖燉檸檬，趁仲有D時間都試下整先!!
而家入秋特別乾燥，喉嚨又易痕…孕媽媽要保重身體預防下~!!
陳皮冰糖燉檸檬大肚都可以飲架…自家制安全有益又無添加。

而且我用左麻麻珍藏超過40年以上既老陳皮一齊燉…

超香醇，飲落甘甘地好舒服…

今次搵唔到電視介紹既西西里檸檬，用左馬莎既無蠟檸檬!

Size都偏大個，而且好香同埋比較少核。

冰糖燉檸檬係傳統養生食品，有清熱下火、化痰功效。
可以止咳祛痰、潤喉、預防咽喉炎、
慢性支氣管炎、對感冒後喉嚨癢有顯著改善作用。
而加入左陳皮的冰糖燉檸檬，味道回甘及帶沉實的陳香，
療效較佳，能冶久咳及化痰。

[孕婦食譜] 鮮奶南棗燉黃耳

黃耳有平價花膠之稱，黃耳含有蛋白質、脂肪、碳水化合物、維生素、膠質等營養成分，
又可以抗衰老，降血脂，降胆固醇，
係一樣好有保健食療價值既食品!
孕婦都好岩食架~~

加埋鮮奶一齊燉，超有營養又滑lulu~~

[孕婦湯水] 蕃茄豆腐紅衫魚湯

大肚時經常飲呢個湯，因為魚湯鮮甜有益又有營養~~

含豐富鈣質，豆腐有蛋白質。

而且加蕃茄一齊煲，蕃茄既酸性更有助魚既鈣質溶於湯中!!

街市好多時有一份份既細條紅衫魚賣(好似今次5條只需$25蚊)，

好平而且比煲肉更好~~

我煲湯時會將紅衫魚壓爛，更易出味!所以一定要隔渣呢~~