惹味黑椒雞翼

雞翼係我家熱門菜式，簡單易整快靚正~~呵呵

之前買左樽黑椒醬，用黎醃雞翼再焗~~

小小辣好惹味呢!!

材料:

雞翼   1磅

鹽     半茶匙

糖     1.5茶匙

醬油   1湯匙

味醂    2湯匙

胡椒粉  少許

黑椒醬  3湯匙

1.     雞翼解凍後，抹乾水，先用醃料醃最少4小時

2.     焗爐170C預熱，雞翼先反轉鋪網架焗15分鐘

3.     之後再反轉雞翼，再焗10分鐘

*如果怕黑椒醬太辣，可以加多少少糖去醃中和返~

藥膳雞腳

係酒樓成日點既1個小食，但其實自己整都唔難…

而且我唔太敢飲酒樓個啖湯，好油好肥咁….

自己整食得安心又放心，啖湯仲好好飲呢~~
入秋係時候補補啦!!!!

南乳骨

本身買豬軟骨打算炆，但急凍鋪果阿姐幫我切左粒粒=.=”

一炆埋就冇咩食，所以就醃左拎去焗!!
做下小食一樣咁好味~ 

日月魚蟲草花煲節瓜雪耳湯

     去完旅行返到屋企，就最想飲湯~~
 呢款湯滋陰補腎嘅又健脾開胃，仲好甜~~

飲啖家常湯，真係好舒服…而家湊B好忙，少左入廚…

但煲啖湯俾家人飲感覺真好。

[坐月湯水] 杜仲巴戟黑豆煲豬骨湯

呢個湯之前久不久都會煲俾另一半飲，
因為杜仲巴戟舒筋活絡、壯腰强腎，對於成日返工要企要搬重野既佢好岩!!
但原來都好岩坐月時飲，補益氣血，產後氣血不足，
腰膝痠軟背痛既媽媽都非常適合，
但患感冒及體質燥熱人士不宜。(有問題可先請教中醫)

多數我都會去藥材鋪買D預先pack好既湯包，
價錢唔貴，又唔使自己逐樣執，簡單方便，
岩晒我地慳時間既媽媽~~

[懷孕食譜] 蟲草花姬松茸杞子蒸雞翼

 大肚媽媽既要食得健康有營養，當然都要好味啦!
蟲草花可增強體力； 姬松茸有增強免疫力、有補腎功效;

而雞翼亦會選擇無打針，無激素既~~

簡簡單單好岩懷孕時食架~有益又有營養!

黃金四季豆

今期好多團購都有得買既流沙咸蛋醬，
我都趁熱鬧買返樽黎試下先…

簡簡單單用黎炒四季豆，味道都唔錯…有時放工/要快手煮都好方便!

粟米竹笙海皇羹

團年/開年當然唔少得湯羹喇！
大家族食飯要煲好大煲，
或者好似我地要湊b冇咩時間預備
都可以試下今次呢個粟米竹笙海皇羹..

雖然用罐頭湯（但其實罐頭湯都好好味😝）
但花d心思，加入唔同材料，
都成為好美味既湯羹！
大人小朋友都一定喜歡😊

 

黃金蟹籽炒飯

 

新年餸菜當然要好意頭！

不過唔係個個都有時間炆燉靚餸，
包括我地兩姊妹👭，今年我地各自湊住2個，
時間真係唔見洗，入廚房既時間越快越好

但當然唔可以是旦求其了事，
所以選材要方便，賣相要靚靚，
咁就可以快靚正咁食到好野😋😋

今次呢個✨黃金蟹籽炒飯🦀，
只係簡單用罐頭蟹肉同埋蟹子做配料，
咁就做到豐富又豪華既炒飯😍😍！

今次重用左前一晚食完既阿拉斯加長腳蟹蟹蓋做碟，上枱真係特別吸

陳皮杞子蒸龍躉

係街市買左件龍躉腩，簡簡單單加陳皮杞子蒸已經好鮮味。

而且龍躉皮好厚好有膠質，女仔食多D補補膠原BB~

馬蹄肉餅蒸釀冬菇

肉餅食得多有時都悶悶地，今次花少少心思，釀落冬菇..

好睇又好味!!仲好有新鮮感~~

粟米斑塊

粟米斑塊係一道簡單既家常菜，久不久另一半就會想我整俾佢食，平時多數用急凍魚柳，今次豪少少買左新鮮既龍躉腩去煮!!魚肉厚炸出黎超好味! 仲用左刀嘜新出既「金裝橄欖花生油」，佢含有豐富單元不飽和脂肪酸，而且煙點高，用黎高溫炸就非常適合!!

豉汁蒸魚雲

 簡簡單單既家常菜~~

 呢個豉汁真係好惹味~~
淨係用豉汁都可以送飯~~haha

橙皮甜麵醬炆五花腩

睇左阿爺廚房後，第一個跟阿爺煮既餸!!!
加左橙皮一齊煮既五花腩，冇晒肥膩感~~
好fresh!!好好送飯呢~~

台式滷肉飯

最近天氣熱到不得了，完全無心情入廚房，
但熱辣辣又唔想出街食，
所以就要諗下有咩可以煮一大煲，有營養好味又可以食幾餐~~

最後諗到台灣既滷肉飯，
既可以配飯配麵，加埋烚蛋做滷蛋，
大人小朋友都會鐘意，
加碟菜，簡單好味又一餐~~~

自製蔥油

蔥油做法簡單，非常容易配搭不同菜色，
蔥油雞扒、蔥油豬扒、蔥油拌麵....
或簡單炒飯加上少少蔥油，味道即刻提升很多~~

每次整一樽，可以用上一段時間，非常方便。

[10分鐘料理] -- 啤酒蝦

10分鐘料理!!!
天氣熱，唔想食肉，又唔想留係廚房咁耐，
所以就快快手煮一個賣相好，又好味既新意既餸…

啤酒蝦係一個唔錯既選擇!!!
煮完後已經冇晒酒味，但又有少少麥香，

食落清爽又唔油膩，

加左辣椒仔少少辣，更加吸引!!

干煸四季豆

干煸四季豆好多時去上海菜館或川菜館都食到，

但好多時都係得一小碟，次次都食唔夠….
今次自己係屋企煮，食得好滿足呢，
最重要係有蝦米辣椒醬既調味，香香辣辣，非常開胃~

蕃茄炆豬軟骨

呢期天氣好悶熱又潮濕….個人都冇咩mood…

最岩整D酸酸甜甜既餸菜開下胃!!

豬軟骨平時多數用日式醬汁/麵豉醬炆~

今次用蕃茄炆，好好味道~~而且超好送飯…

另一半食左兩大碗呢~~

咸魚雞粒豆腐煲

簡簡單單既家常菜，最能夠食出家的味道~~~
家姐我有時係澳洲思鄉...就會整下咸魚呀，煲仔菜!!飯都可以食多兩碗~