AIRESTEC pH 7.0酵素洗冷氣!

呀妹搬屋時，屋企3部冷氣機都係全新既，
唔覺唔覺都用左5年啦!!
夏天開冷氣時keep住都會清洗隔塵網，
自從有左小朋友後，留意既野都多左…
樣樣都會從佢地既健康出發!!
呀妹本身都係敏感底，都好怕bbs似我。

與許志安有個約會~

今次好開心出席eCosway X 許志安代言人續約記者會 暨  ASPEN不鏽鋼廚具新品發佈會!!

台北大稻埕- 雜貨竹器食具推介

今次去台灣快閃，打算食食食!!

點知上機前係機場打書釘，發現左台北大稻埕呢個地方!!!

有賣雜貨食器，竹器木具鑄鐵都有!!!超吸引~~
所以決定去八下…位於廸化街一段，
goggle map由台北車站行去約25分鐘，
但因為去個朝落雨…我地決定搭的士去，
由新光三越上車去到都係TWD80，勁平又快!!

蕃茄香煎紅衫魚 - Serafino Zani尚尼 IHC恆溫鑊

阿妹我平時係屋企好少煮煎炸野，之前分享咁多食譜，都絕少見到有煎炸既做法，因為我好怕油煙大，煮完要洗廚房，而且煎炸野要好專心睇住，一唔小心就驚煎燶晒~

不過，點解今會分享香煎紅衫魚食譜？

慢煮香草三文魚配希臘乳酪醬 - Nolwenn & Cole Slow-Cooking Tower 慢煮器

慢煮(Sous Vide) 近年成為大熱既烹調方法，
阿妹我之前係屋企試過用蒸爐低溫慢煮豬鞍，但效果一般。
平靜既水唔可以令食物平均受熱。

今次試用左 Nolwenn & Cole 既 Slow-Cooking Tower之後發現，

原來低溫慢煮一D都唔麻煩，只要有好既工具幫手，
係屋企都可以輕輕鬆鬆做到高級餐廳既效果!

我用 Slow-Cooking Tower黎煮三文魚柳。

經慢煮方法煮既三文魚真係好滑好嫩…

我都係第一次試呢種質感，比新鮮刺身口感更好!!!

而且最後用火槍灸燒魚皮部分，微焦既香氣，
配埋希臘乳酪醬，Wow~ !!!!

［逛食材店］Feather & Bone @中環

阿妹早2日去左中環1間好有特色既食材店，
地點位置於中環結志街，即係蘭芳園個條街。
大家行開都知個頭多數都係D街市檔販，賣菜賣魚，
但原來「禾稈冚珍珠」，行入幾個鋪，
有間完全係外國feel既店鋪，綠色裝潢既門面，
係門口透過玻璃望入去，見到入面有好多野賣，
重好似有野食添，咁吸引，當然即刻入去睇下喇～

［好物分享］$12店劏魚小刀 + 蒸魚事前清洗示範

其實家姐我一直都對蒸魚無咩興趣，但阿妹就非常鐘意，所以之前媽咪係屋企蒸魚，永遠無人會爭，俾晒阿妹食。(阿妹: 係呀係呀，蒸魚勁好味XDD")

但人大左，又少左返屋企食飯，有時就會心思思，想食蒸魚。係澳洲食蒸魚都好易，但買左條魚返黎，就算佢劏走晒D腸，但要自己沖洗，條魚又濕又滑準備都唔係咁易。

不過上次返香港，俾我搵到我既劏魚好幫手。

喜馬拉雅山岩鹽板煎牛扒

之前托阿妹你係日本買既喜馬拉雅山岩鹽板，
終於有時間同佢開光！

其實鹽係一種傳熱用保溫好好既物質，
就好似大家平時煮既鹽焗雞一樣，佢地用大量既粗鹽焗雞，
令雞受熱平衡又帶一種鹹香味。

喜馬拉雅山岩鹽板大致上既用法都一樣，
係煎食材既時候，令佢蘸上天然食鹽既鹹味，
再帶起食物本身既原味鮮味。

呢塊鹽板真係好重，24x24x3 cm有成3kg重，
所以應該有排用！

上網參考左鹽板既煮食方法，
再加上我親身體驗，今日就同你分享下喇。

今次我重整左條30秒既短片，簡化左整個過程俾你睇: 鹽板煎牛扒   <<---

用之前用微濕既布輕輕擦一下表面，
然後就可以直接放上火預熱。

首先用小火預熱10分鐘，再轉中火預熱10分鐘。

預熱期間鹽板既顏色會變白，是正常的，
因物鹽係天然物質，受熱係會有顏色變化。

要知道鹽板是否夠熱力，可以灑些少水上去，
如果水點即刻完全蒸發，就代表夠熱可以開始煎。

煎法跟平時鐵板燒差不多，噴一層油，保持中大火就可以煎食物。要有油份，否則會痴。

可以煎肉類、菇類、海鮮都可以。

但食材要選擇水份少和一定要保持乾身，否則水份趕不及蒸發，過多既水份就會溶化鹽板，令食材味道變得過鹹。

而且有個好處就係用這個鹽板煎食物是不會有油煙。

用過既鹽板一定要待它完全冷卻材可用乾身既鋼絲刷同微濕既布輕輕清潔，抹去表面既油就可以，過份清潔或用過濕的布去清潔，會溶化鹽份，縮短鹽板既壽命。

清潔之後可以做保鮮袋包好，收藏係乾爽既地方。

鹽板煎牛扒配紅酒!!

惠而浦烹飪班

上年1月，參加左惠而浦既體驗班，

因為個陣咁岩新屋裝修，物色緊1部焗爐，

初初係水波爐同惠而浦蒸焗爐之間仲諗緊….

上完堂後覺得蒸焗爐較適合自己就買左lu~~

當日上堂整既冬瓜盅，慢煮豬鞍真係好好味!

岩岩過左1年，又有朋友對部爐有興趣，

為左毒下佢…又陪佢join左今次既中菜烹飪班…哈哈

今次都係煮4道菜，

蟲草花燉鳥雞湯 ---因為時間關係，miss示範左俾我地睇點整之後，就即刻有得飲XDD”

煲仔飯 --- 今次miss用左3個唔同方法煲仔飯，俾我地試下唔同口感。煮法一樣先煮米20分鐘，再加餸煮10分鐘，有全程蒸焗，先蒸焗後蒸，全程蒸。3個方法食出黎真係各有不同，

我自己就最中意先蒸焗後蒸~

白飯乾身得黎，D餸又有汁!!!正~

之後仲有釀青瓜鋪& 慢磨腰果露糖水

用左蒸焗爐一年，都有少少心得可以一齊分享，
等大家參考下~蒸焗爐size係偏大….
但可以成個LC 27cm oval原煲放入去燉湯

 

又或者 3個LC湯盅 + 16cm round一齊燉~~

 

蒸海鮮梗加可以一次過3碟出爐~~
而且水箱size大，可以連蒸3小時

真係好方便同吸引!!

影相時發覺23cm skillet都可以^^

有時偷懶上黎….蒸飯, 開包即食咖哩，蒸菜….
放晒入爐一齊蒸，
唔使煩就可以30分鐘內開得飯~
好爽XDD”

上網見好多comments話易壞，touchwood我就暫時都冇，希望未來都冇!

但人人用法唔同，保養得好，我諗都可以減少壞既機會
*每次用完，我都會索乾水，將內籠用濕布抹1-2次再用乾布抹，然後打開門自然風乾….千其唔好以為用乾布抹完關門就ok，有熱氣濕氣，要開門吹下

*每次轉換程式時(特別由蒸轉焗或相反)，抹一抹後，中間最少開門俾佢休息15-20分鐘，因為兩個程式1個濕蒸，1個乾焗
如果唔嘆下佢會冇咁”come”用架

*有jm分享蒸完後抹乾會有白色粉末，係水喉水入面既礦物質，所以就話用過濾水較好，但我家冇裝濾水器，但我用水喉水亦冇粉末冇問題，所以冇得比較。

*官網有註明預留空間散熱，其實真係需要，太近爐頭/ 爐頂上有野阻礙散熱都有機會易壞D~

 另外我配左個架，唔會阻住佢散熱之餘，有時又可以放下野

我都好常用，所以每個月我就大清潔一次

1.     側邊掛架拆出黎洗

2.     內籠利用梳打粉加水(好似粉漿質地，唔好太稀)，
      敷下有漬既位置等30分鐘

3.     再用檸檬水，開爐消毒(即110C 蒸20分鐘)

   (同時間梳打粉+熱力去漬，檸檬水就消毒清潔去水垢)

4.     消毒後，繼續使用檸檬水，
     利用手動泵水程序，防止水垢/漬水積存於水泵

5.     再用清水重複手動泵水程序，將檸檬水沖去

6.     最後用清水消毒多1次

7.     開門抹乾水，自然風乾

而爐頂發熱線附近既污積其實都好難清潔(正常我見唔到佢)，

可能積耐左，用梳打粉都只可以抹走部分污積。

但早排我燉完3小時湯，心思思就咁搵濕布抹，點知真係抹得走wor…

即刻好興奮咁抹抹抹，我諗都抹到八成污積，乾淨返好多，

可能蒸左3小時D熱力滲透晒落D油積….所以易清潔

 

買左既jm 我強烈推薦自行去買返個不銹鋼深淺盤...
因為我覺得佢附送果個易潔盤質地麻麻
深淺盤唔係perfect size, only 36X27cm，但勁好用，超好用
蒸海鮮又傳熱快啦，清潔又容易，
深盤坐水焗又ok，價錢又抵粗用唔心痛!!!

但我覺得呢個爐有一些地方可以做得更好: 
-如果蒸焗爐可以用小時+分鐘去調較時間就好D
因為燉湯3小時，要長按分鐘鍵，按到3小時，手指都攰~

-焗爐上下火，下火冇得分開調較 & 整體火力比較勁，所以焗包/焗其他野要留意多D，自行再慢慢習慣調節

家家需求都唔同，可能我覺得好，又未必適合大家，
所以買前去睇多D，去各fb groups到參考下，
揀最岩自己既，就係最好!

Happy Share^^