紅棗蓉年糕

上星期睇完鼎爺教整「棗蓉年糕」!!!
屋企齊晒材料，心動不如行動，糕GOGO!!

趁bbs訓左，即刻開壇整糕
鼎爺話要夠甜先可以帶出紅棗既香味!!
佢節目中話糖要13-14兩，BIGBIG食譜就話要600g(約16兩)
最後我落左14兩(約540g)
甜少少，但真係好香棗味呢~~而且我用左增城蔗糖，仲香~
口感軟燸，very good呀!!!

短片:

焦糖香蕉合桃磅蛋糕

好耐冇焗野啦!!今次簡單焗左磅蛋糕~~

其實磅蛋糕超易整，配上唔同材料就可以勁多變化!!
岩岩屋企有熟透既banana~~岩晒!!

鹽漬櫻花曲奇

踏入初春，又到櫻花季節啦!!

LC，星巴克，家品店都狂推櫻花產品…勁心動~~

之前家姐係日本買左鹽漬櫻花俾我~~

上年整左櫻花忌廉卷 ，今年就試下櫻花曲奇啦!!美美的~

短片示範:

 

檸檬蜜糖磅蛋糕

其實我都幾中意食pound cake，中意佢果個質地，

加入之前日本買既瀨戶內海既檸蜜!!好清新呀~

簡簡單單做早餐/下午茶，配搭杯紅茶就prefect喇!!

［人氣麵包］鹽可頌

第一次食鹽可頌係日本時，味道覺得驚為天人!!!

簡單材料，鹽同牛油~~~
點解可以咁好味架!!!!

終於係屋企試整左，今次係參考左師兄烘焙教室既份量去做^^

 一出爐即秒殺，真係好好味!!!

意大利蛋白杏仁脆餅

呢個脆餅意大利人叫Amaretti，係用蛋白、杏仁粉同糖簡單三重材料做成既小茶餅。

佢係外層脆口，內裡軟身有趙頭既餅乾，但有人都會將佢焗到內外都同樣脆口既。

而且佢無奶、無牛油、無麵粉，
對牛奶或麩質(gluten) 敏感人士都可以放心食~~

新鮮班蘭杯子蛋糕 (簡易版)

買左D新鮮班蘭葉，除左戚風蛋糕外，
就試下整呢個超簡單既杯子蛋糕，方便同朋友一齊happy share~~
用新鮮班蘭葉打汁隔渣，再等佢沈澱一陣，精華汁係晒底~
焗出黎既蛋糕真係特別香...

香橙杏仁蛋糕（無麵粉無油無奶）

今次分享一個特別無麵粉無油無奶既蛋糕食譜，
因為係外國生活，身邊不少朋友都有對麩質(GLUTEN)過敏，
佢地唔可以食任何小麥或麥類既食物，所以簡單如麵包、意粉或蛋糕，都要揀GLUTEN FREE 既。

有一次我睇食譜書，發現呢個香橙杏仁蛋糕，
就特別整俾我對麩質過敏既同事做生日蛋糕，
焗既時候，整廚房充滿香橙既味道，
香味令人非常期待~~

到試食果陣發現，
原來無麵粉無牛油既蛋糕都一樣咁好食架！
佢係好濕潤，好moist 質感，
出爐之後放暖即刻食，或放雪櫃雪凍食都咁好味~
非常適合做冬天既甜品！

材料：

橙              2個(共約重400g)

雞蛋          6隻
鹽             1/4茶匙

糖粉 (Caster sugar) 250g

杏仁粉(Almond meals) 300g

泡打粉(Baking power) 5g

做法：

1. 先用暖水洗刷乾淨橙的外皮，之後用刀切開一半，去除橙籽。

2. 將橙連同2湯匙水，用玻璃碗裝著，包上保鮮紙，在保鮮紙上用刀𠝹2個小洞，放入微波爐加熱10分鐘 (1000w)。

3, 加熱完成，待3分鐘後取出，放涼5分鐘。

4, 將煮到軟爛的橙和糖，用食物處理器(food processor)或攪拌機(blender) 攪拌成果醬。 

5, 再加入蛋，攪拌大約1分鐘。

6. 最後加入杏仁粉、鹽、泡打粉，攪拌均勻。

7. 焗爐預熱180c，將蛋糕團倒入23cm直徑既圓形蛋糕盤
放入焗爐焗35-40分鐘。

8. 完成後，先待蛋糕放涼定形後，灑上糖粉和杏仁片，即成！

**如沒有食物處理器(food processor)，可用攪拌機(blender) 將橙和糖攪拌成果醬後，從步驟5 開始，就可以用打蛋器幫忙攪拌。

薑味黑糖戚風蛋糕

 聖誕節除左整Gingerbread, 都可以試下整Ginger Chiffon Cake!!haha~
係日本烘焙店買左包薑粉…加埋日本買既黑糖，掂晒!

用廚師機打蛋白霜勁快靚,正…

包薑粉超薑，打開聞下都覺得攻鼻… 
最後發現香港富澤都有得買呢~

聖誕布朗尼(朱古力味/綠茶味) (Chocolate Brownies/ Green Tea Brownies)

仲有1個月就到聖誕節喇!!!!!
而且家姐同我最愛既姨甥仔今年會一齊返黎過聖誕~~
又可以一齊食買玩，諗起都好開心!!!

今次分享既聖誕樹Brownies，

超濃既朱古力味唔會太甜，綠茶味配果仁又超夾!!!

造型又夠晒吸引！
岩晒做Party food/ 聖誕小禮物/ 聖誕大餐甜品~~~

花少少心思加D裝飾，超有聖誕feel，
大小朋友見到實搶住要呀!!!

雙重芝士南瓜杯子蛋糕

好中意食蛋糕仔，細細個做早餐/下午茶就岩晒~~

今次用左2隻芝士(Fetta Cheese & Haloumi Cheese)
帶出少少鹹香夾埋南瓜既甜..

好好味呢，而且減少左砂糖份量加入較健康既龍舌蘭糖漿!

大人小朋友都好岩食架~

脆皮奶黃月餅

就黎中秋…阿妹最中意食就係奶黃月餅…
N年前出去烘焙店學過1次….今年決定再試下係屋企試一次…
集各家之大成，當年學係九龍酒店款…餅皮類似曲奇，所以有脆皮既口感，
但個陣冇教點整奶黃餡，我就上網搵下再自己研究下…就有左呢個食譜啦!!

"卷蛋入門"- 原味士多啤梨卷蛋 (分蛋法)

之前分享過幾款唔同味道既卷蛋，有綠茶，芝麻，紫薯....etc...
有朋友問有冇最簡單既卷蛋食譜Share.....
今次我地就還原基本步，整個充滿蛋味既卷蛋啦!!!

簡易楓糖蘋果撻

一個好簡單既甜品，但絕對上得大場面，而且對新手黎講都好容易!!
配埋雪糕，一凍一熱，正!!!

材料：(16cm size)

急凍酥皮         1塊

蘋果               半個

牛油                10g

糖                   1茶匙

楓糖漿            2湯匙
雪糕球             1個

做法：

1. 焗爐預熱200度。
2. 酥皮解凍後，用焗盤或煲蓋幫忙，整成大約16-20cm直經既圓型。

3. 用手指圍著酥皮摺成花邊，用叉輕輕隨意地插酥皮，防止升起備用。

4. 蘋果去芯，切成薄片，將蘋果片扇型散開，平鋪都酥皮上。

5. 灑上糖，牛油分開4-5小粒，平均放左蘋果片上，放入焗爐焗15分鐘，至酥皮焗至焦糖色。

6. 出爐後，放涼約5分鐘，就可以配上雪糕和楓糖漿一起品嘗。

瀨戶內檸檬蛋糕

日本既瀨戶內檸檬相當出名，今次去廣島時，周圍都有瀨戶內檸檬既產品賣，
醬汁，蛋糕薯片都有…阿妹我就買左瀨戶內既檸檬果醬!!配埋個檸檬蛋糕模，
影相出黎真係幾可亂真正!!!而且今次阿妹幫新買既bosch廚師機開光!!!恨左好耐終於買到~~勁開心!!!!繼續努力!!!!整多d~~

天使蛋糕 (伯爵紅茶戚風蛋糕)

家姐難得返香港，平時佢見我整蛋糕，有得睇冇得食!!

今次就整個好野俾佢試下啦!!!

用左TWG既earl grey茶葉 + 日本買既紅茶粉…

戚風蛋糕好鬆軟又好香茶味..

而為左氹姨甥仔開心，我抹上忌廉再加健康既水果乾鋪面~

小朋友見到就最興奮開心!!!

芒果芝士蛋糕杯 [免焗免機器]

等左幾年，家姐我終於有機會轉工，脫離魔掌~~
雖然可以同惡魔上司講BYE BYE，但都唔捨得其他一齊作戰既同事，所以就簡單整一個芝士蛋糕杯用"散水餅"請大家食~

今次特別唔用電動打蛋器，試用人手攪拌，發現其實都唔難，因為未有機器之前，都是人手做的嘛~~

簡易果醬曲奇(無蛋)

以前家姐我一直都唔係咁鐘意整曲奇/甜品之類，因為整完得我同你姐夫2 個人食，你姐夫又唔食甜野，次次都我自己食，好無引~~

但而家到我個仔仔大左，反而多左機會整下曲奇、pancake、cupcake，小朋友鐘意食，又鐘意幫手搞搞震～ 

今次呢個係簡單既曲奇做法，適合做小型既一口曲奇。無蛋既用法，可以令有雞蛋敏感既人都可以食到~

櫻花忌廉卷

踏入4月，又到櫻花季節…
周圍都有關於櫻花既商品…上年阿妹我就去左韓國賞櫻~~
今年冇得現場睇，唯有自制個櫻花卷…填補下心靈啦!!哈哈~

*綠茶紅豆白玉芝士蛋糕*

 阿妹我好中意去食甜品，其中一個配搭...
就係綠茶雪糕加紅豆蓉再拌白玉...
今次就將我中意既甜品crossover我又好中意既芝士蛋糕...
估唔到成品好正~~大愛!!!!