今次分享呢個造型意粉係咪好可愛呢?
家姐我參加左珠江橋香港美女厨房嘉年華創意食譜比賽，
請大家click入以下連結投票，支持
9 號 -- 豉油皇雜菇造型意粉
(按完成鍵後即可完成投票，無需登記架)
呢個可愛水母形狀既意粉，賣相有趣，而且做法簡單，大人小朋友都一定會鐘意~~
材料：
雞脾菇 8隻
松茸菇 半盒
日本白菇 半盒
意粉 適量
蒜頭 2瓣
調味料：
醬油 2湯匙
老抽 半茶匙
糖 1茶匙
水 4-5湯匙
做法：
1. 將蒜頭切成蒜蓉，松茸菇和白菇沖洗備用。
2. 雞脾菇上下切開分成2半，下半白色莖部切成幼條備用。
3. 將意粉折斷一半，再將10-15枝意粉插入雞脾菇，做成水母形狀。
4. 用根據意粉包裝上既烹調時間，煮熟雞脾菇意粉，煮熟後排好上碟。
5. 中火開鑊，先加少1茶匙油炒好蒜蓉，再加入松茸菇、白菇和雞脾菇莖一起拌炒2分鐘。
6. 加入醬油、老抽、糖和水調味，煮成醬汁，有需要最後可加上薄生粉獻。
7. 將豉油皇雜菇醬汁淋上造型意粉，加上紫菜剪成的笑臉就完成！
姊姊心得:
*用蕃茄汁或意粉醬都可以架~
*除左雜菇，用煙肉，海鮮等等都可以
沒有留言:
張貼留言