對自己好一點- 金寶蟲草皇即食燕窩

女人，幾時都要愛惜自己!!錫自己!!

做左媽咪後，
萬大事都以BB👶🏻為先，又夜訓…
身體皮膚狀態都同以前唔同晒
要食D好野幫自己補補~hahaa~

燕窩潤肺滋陰養胃，
仲可以美白皮膚，
補充氨基酸原，
令皮膚保持水分及彈性，
同時抗衰老，岩晒我地食呢~

不過返工照顧BB勁忙，
都冇咩時間可以燉燕窩食。
所以市面上就有唔同既即食燕窩選擇!!

今次就試食左金寶蟲草皇的即食燕窩!!

睇落細細樽，但真材實料…用料好足!!
入口啖啖燕窩口感豐富!!
絕對冇「水多過料」既感覺!!!!
甜度岩岩好，好清甜，勁岩口味呢~

手工制即食燕窩，用上原盞馬來西亞燕窩，
加冰糖紅棗每日新鮮燉製，絕無其他添加。
有興趣既朋友都可以去佢地fb睇下!!
金寶蟲草皇

南棗花膠燉鮮奶

懷孕到後期，間唔中都會食下花膠養胎，花膠含有豐富膠質及蛋白質，

就算唔係懷孕，都可以食花膠養顏滋潤下，特別秋冬季，

今次我用左南棗代替紅棗，同樣補血補氣，但南棗冇咁燥~

明太子忌廉全麥意粉 [孕媽媽都可以食喔!]

懷孕時好多野食都要戒口~

如果有妊娠糖尿既話，白飯/麵包類高升糖(GI)既食物梗加要忍一忍，

所以懷孕期好多時主食都會用低升糖既意粉代替!

 

咁 大肚可以食明太子咩?

明太子係以鱈魚卵加工並以「鹽」醃製而成的味道較鹹，
而且係生既。所以孕媽媽想食一定要煮熟呢~~

只要係來源乾淨，煮熟就冇問題，
今次pack明太子係一田買既~~

而且用左全麥意粉，梗加健康有益!

早餐一齊Cheer啦!

 

你今日食左早餐未呀?

 一齊Cheer啦!

早餐係支撐我地一日活動既精力來源，
好多時大家都會忽略左早餐，但對於岩岩訓醒既大腦、
其他身體部位所需要能量就會唔足夠。
所以食早餐係可以提高學習能力與工作效率!

呀妹我由大肚開始，就係屋企食早餐先出門返工!
到生完bbs後都一直keep住!

屋企食可以輕鬆D，又可以望bbs多一陣haha

今次就同大家介紹一個又健康又簡單方便既早餐!

一包穀物，一杯鮮奶簡易配搭就係個營養早餐~

南乳骨

本身買豬軟骨打算炆，但急凍鋪果阿姐幫我切左粒粒=.=”

一炆埋就冇咩食，所以就醃左拎去焗!!
做下小食一樣咁好味~ 

日月魚蟲草花煲節瓜雪耳湯

     去完旅行返到屋企，就最想飲湯~~
 呢款湯滋陰補腎嘅又健脾開胃，仲好甜~~

飲啖家常湯，真係好舒服…而家湊B好忙，少左入廚…

但煲啖湯俾家人飲感覺真好。

[坐月湯水] 杜仲巴戟黑豆煲豬骨湯

呢個湯之前久不久都會煲俾另一半飲，
因為杜仲巴戟舒筋活絡、壯腰强腎，對於成日返工要企要搬重野既佢好岩!!
但原來都好岩坐月時飲，補益氣血，產後氣血不足，
腰膝痠軟背痛既媽媽都非常適合，
但患感冒及體質燥熱人士不宜。(有問題可先請教中醫)

多數我都會去藥材鋪買D預先pack好既湯包，
價錢唔貴，又唔使自己逐樣執，簡單方便，
岩晒我地慳時間既媽媽~~

雪梨蘋果無花果水

天氣好熱要補充多D水份! 簡簡單單煲雪梨水，
1個鐘多D就飲得lu…
放工返屋企即煲，食完飯就飲得啦!

材料:
雪梨         5-6個
蘋果         3-4個
無花果乾  6粒
南北杏     適量
冰糖                 適量
水            約4L

做法:
1. 雪梨蘋果去皮去芯切細件
2. 煲大煲水, 水滾放晒所有材料去
3. 再煲滾後, 細火煲1小時
4. 1小時後落冰糖, 煲多15分鐘即可

妹妹心得:

*如果連皮煲，要先用暖鹽水浸生果15分鐘，再沖水擦乾淨

  *街市有時D生果1份份平價買，有時可能只係花皮/ 撞瘀左小小 (唔係爛)，返去削皮，切左瘀左既位就煲得，一樣咁甜，仲平D tim~~

黑松露蘑菇忌廉湯

夏天有時真係冇咩mood食飯…但又唔想求求其一餐…
今次就煮左個西湯，配埋蒜蓉包~~一流!! 
懶得黎都要對自己好D~~haha

材料：(3-4 人份量)

 
白菇啡菇   400g
洋蔥      1個
牛油      20g
雞湯      500ml
麵粉      2湯匙
淡忌廉     100ml+ 適量 裝飾用
海鹽      適量
黑胡椒碎  適量
黑松露醬  適量

做法:
1. 白菇啡菇抹乾淨切片，洋蔥切碎
2. 先用牛油把洋蔥碎炒香至透明

3. 加入菇片炒一炒，再下麵粉炒勻

4. 下雞湯, 海鹽及黑胡椒碎調味，煮至滾起熄火
5. 利用電動攪拌棒將所有材料打成蓉

6. 加入淡忌廉及黑松露醬拌勻即成

配埋蒜蓉包真係好好味呢~