*焗紫薯芝士蛋糕*

紫薯最近大熱~~
有紫薯雪糕, 又紫薯窩夫~

之前出過2篇紫薯食譜都大受歡迎!!!

「*紫醉金迷*--紫薯雲尼拿慕絲蛋糕 」 <<食譜 
& 「*情迷紫薯卷* 」<<食譜 

就黎情人節，今次分享「焗紫薯芝士蛋糕」就岩晒!

惠而浦烹飪班

上年1月，參加左惠而浦既體驗班，

因為個陣咁岩新屋裝修，物色緊1部焗爐，

初初係水波爐同惠而浦蒸焗爐之間仲諗緊….

上完堂後覺得蒸焗爐較適合自己就買左lu~~

當日上堂整既冬瓜盅，慢煮豬鞍真係好好味!

岩岩過左1年，又有朋友對部爐有興趣，

為左毒下佢…又陪佢join左今次既中菜烹飪班…哈哈

今次都係煮4道菜，

蟲草花燉鳥雞湯 ---因為時間關係，miss示範左俾我地睇點整之後，就即刻有得飲XDD”

煲仔飯 --- 今次miss用左3個唔同方法煲仔飯，俾我地試下唔同口感。煮法一樣先煮米20分鐘，再加餸煮10分鐘，有全程蒸焗，先蒸焗後蒸，全程蒸。3個方法食出黎真係各有不同，

我自己就最中意先蒸焗後蒸~

白飯乾身得黎，D餸又有汁!!!正~

之後仲有釀青瓜鋪& 慢磨腰果露糖水

用左蒸焗爐一年，都有少少心得可以一齊分享，
等大家參考下~蒸焗爐size係偏大….
但可以成個LC 27cm oval原煲放入去燉湯

 

又或者 3個LC湯盅 + 16cm round一齊燉~~

 

蒸海鮮梗加可以一次過3碟出爐~~
而且水箱size大，可以連蒸3小時

真係好方便同吸引!!

影相時發覺23cm skillet都可以^^

有時偷懶上黎….蒸飯, 開包即食咖哩，蒸菜….
放晒入爐一齊蒸，
唔使煩就可以30分鐘內開得飯~
好爽XDD”

上網見好多comments話易壞，touchwood我就暫時都冇，希望未來都冇!

但人人用法唔同，保養得好，我諗都可以減少壞既機會
*每次用完，我都會索乾水，將內籠用濕布抹1-2次再用乾布抹，然後打開門自然風乾….千其唔好以為用乾布抹完關門就ok，有熱氣濕氣，要開門吹下

*每次轉換程式時(特別由蒸轉焗或相反)，抹一抹後，中間最少開門俾佢休息15-20分鐘，因為兩個程式1個濕蒸，1個乾焗
如果唔嘆下佢會冇咁”come”用架

*有jm分享蒸完後抹乾會有白色粉末，係水喉水入面既礦物質，所以就話用過濾水較好，但我家冇裝濾水器，但我用水喉水亦冇粉末冇問題，所以冇得比較。

*官網有註明預留空間散熱，其實真係需要，太近爐頭/ 爐頂上有野阻礙散熱都有機會易壞D~

 另外我配左個架，唔會阻住佢散熱之餘，有時又可以放下野

我都好常用，所以每個月我就大清潔一次

1.     側邊掛架拆出黎洗

2.     內籠利用梳打粉加水(好似粉漿質地，唔好太稀)，
      敷下有漬既位置等30分鐘

3.     再用檸檬水，開爐消毒(即110C 蒸20分鐘)

   (同時間梳打粉+熱力去漬，檸檬水就消毒清潔去水垢)

4.     消毒後，繼續使用檸檬水，
     利用手動泵水程序，防止水垢/漬水積存於水泵

5.     再用清水重複手動泵水程序，將檸檬水沖去

6.     最後用清水消毒多1次

7.     開門抹乾水，自然風乾

而爐頂發熱線附近既污積其實都好難清潔(正常我見唔到佢)，

可能積耐左，用梳打粉都只可以抹走部分污積。

但早排我燉完3小時湯，心思思就咁搵濕布抹，點知真係抹得走wor…

即刻好興奮咁抹抹抹，我諗都抹到八成污積，乾淨返好多，

可能蒸左3小時D熱力滲透晒落D油積….所以易清潔

 

買左既jm 我強烈推薦自行去買返個不銹鋼深淺盤...
因為我覺得佢附送果個易潔盤質地麻麻
深淺盤唔係perfect size, only 36X27cm，但勁好用，超好用
蒸海鮮又傳熱快啦，清潔又容易，
深盤坐水焗又ok，價錢又抵粗用唔心痛!!!

但我覺得呢個爐有一些地方可以做得更好: 
-如果蒸焗爐可以用小時+分鐘去調較時間就好D
因為燉湯3小時，要長按分鐘鍵，按到3小時，手指都攰~

-焗爐上下火，下火冇得分開調較 & 整體火力比較勁，所以焗包/焗其他野要留意多D，自行再慢慢習慣調節

家家需求都唔同，可能我覺得好，又未必適合大家，
所以買前去睇多D，去各fb groups到參考下，
揀最岩自己既，就係最好!

Happy Share^^

XO醬肉碎豆腐煲

有左自製手工XO醬 <<按此有食譜>>之後，用黎煮餸就唔洗慳左用，所以就用新鮮XO醬整個豆腐煲先。

呢個餸靈感黎自咸魚雞粒豆腐煲，XO醬既甘香，用黎代替咸魚，即刻令這個豆腐煲變得不平凡，兼加添一點貴氣。

材料：

XO醬 2湯匙

豬肉碎 150g

滑豆腐一盒（250g)

水150ml

蠔油1湯匙

豬肉碎醃料：

鹽少許

糖少許

胡椒粉少許

生抽半湯匙

生粉少許

1. 豬肉碎撈均醃料，醃30分鐘

2. 豆腐切細塊

3. 開火炒豬肉碎，到8成熟、加XO醬一齊炒

4. 落豆腐粒，輕輕撈均

5. 加水同蠔油蓋上蓋煮5分鐘

6. 打生粉水就可以上碟！食得。

姊姊心得：

*唔用豬肉碎，用雞脾肉切粒都可以。

椰子鮑魚煲烏雞湯

椰子湯阿媽久不久都會煲俾我地飲….
個種甜真係好正呀~

家姐你有冇掛住d阿媽靚湯呢?

今次煲再豪一豪….落埋鮑魚，超掂呀!

自製手工XO醬

XO醬真係好食又方便！煮餸、撈麵、點蘿蔔糕，真係超級正！
但你知家姐我要係澳洲要買都真係唔容易，而且有得買既價錢都特別貴。

今次分享一個手工XO醬既做法，我自已親身整過3次，先敢分享。
因為準備材料同煮既時間都唔少，真係啖啖都係心機！

惹味混醬魚頭

呢味餸係睇肥媽學架，因為阿妹我好中意食魚頭，
平時會整天麻魚頭/ 豉汁蒸~

今次跟肥媽整，但份量我改左少少，
同埋會預先醃一醃魚頭…超好味道!!!!!~

材料:

大魚頭        1個(約1斤半)

蔥               適量

薑片           3-4片

大魚頭醃料:

鹽       半茶匙

糖       半茶匙

燒酒     2湯匙

薑汁     2湯匙

胡椒粉   適量

調味料:

甜麵豉    2湯匙

海鮮醬    2湯匙

豆瓣醬    1湯匙

糖           1茶匙

鹽           1/3茶匙

水           約1碗半-2碗

做法:

1.      洗淨魚頭抹乾水，加醃料醃15分鐘

2.      開鑊落油，爆香薑片，落甜麵豉，
     海鮮醬及豆瓣醬爆炒幾下

3.      加水及蔥煮滾

4.      放魚頭加蓋煮10分鐘，中途需反一反轉

5.      落鹽及糖試味

6.      食得啦!!

妹妹心得:

*正常整魚頭好多人都會撲粉，煎/炸下個魚頭，令佢定形，
 煮個陣冇咁易散，但我唔喜歡煎魚個口感，會直接落鑊煮，
 所以要留意煮個陣唔好係咁反/郁個魚頭，否則會散晒

*爆炒一下D醬會香D

*加水份量唔需要太多，因為加蓋有蒸氣魚頭會熟，
  水太多會溝淡魚汁既鮮味

蝦醬芝麻燒雞翼

阿妹，你上次話買左靚蝦醬，但除左蒸豬肉同炒菜，好似無咩好煮。

今日我就教你整呢個蝦醬燒雞翼。

呢個餸真係好方便，只需要醃10分鐘就可以入爐焗，而且重好入味！你以後放工趕時間煮飯，又多一個好選擇！

材料：

雞翼 14-16 隻

芝麻少許

調味料：

蝦醬3茶匙

糖1茶匙

味醂 2茶匙

做法：

1. 雞翼沖洗，印乾

2. 用一個大碗，將雞翼同所有調味料撈均，醃10分鐘

3. 焗爐180c , 焗20-25分鐘

4. 食之前灑上芝麻，食得！

姊姊心得:
*有時間，可以醃長D時間或者過夜都OK
*黑芝麻係好有益既食物，唔一定食芝麻糊，平時煮餸果陣加D都可以
*放雞翼係烤架上焗，雞油邊焗邊流下焗盤，食果陣就健康D~

*黑糖紅棗千層糕*

為左呢個紅棗糕，
我試左好幾個唔同份量既食譜~
糯米粉，粘米粉，馬蹄粉，木薯粉~

唔同配搭都有唔同口感，