"一念素食" - 一次全新既素食體驗

2016年是一個好開始，參加比賽的食譜有幸獲獎，
亦出席了阿妹我人生第1次的blogger gathering。

對於素食既印象，來自媽媽初一十五茹素，
印象中都係一些比較簡單既菜，
南瓜蕃茄豆腐素雞等…比較乏味同單調~

今次我地去左香港大學內既一間素食餐廳
「一念素食」試餐廳最新一季既私房菜。

餐廳提供係素食自助餐，食幾多拎幾多，按食物重量收費，
係一種環保既概念，培養大家惜食既習慣。
所有廚餘會收集返去堆肥，係學校天台種植香草，
再供應返餐廳使用，確保唔會浪費零廚餘。

另外，餐廳與社企合作，大部分員工都係聽障人士/自閉症患者，提供佢地既就業機會，協助他們融入社會。

今次試食，完全令我對素食改觀，
原來素食，都有分純素，蛋奶素，

純素既私房菜，菜式非常精緻。

海帶芥末頭盤，豆苗餃豆角餃，炸南瓜卷，
蟲草花燉湯，角壽司，炒素菜，素炒麵，薑汁紅棗糕

最令我印象深刻係蟲草花燉湯，意想不到既甜，
原來唔用肉燉湯，利用蟲草花，紅腰豆，腰果，
百合，松茸燉5小時，啖湯真係甜到不得了，甜過用肉煲。

一次愉快既聚會，與好多平時網上有名氣既  Bloggers交流，
多謝  cook1cook 既邀請與安排，
令我認識到原來素食都可以咁多樣化…

雖一時三刻不會立即茹素，
但有機會都想試下煮多D，食下素再同大家分享。