椰汁紫米露

夏天特別中意食糖水，凍冰冰涼浸浸食落好嘆….

用真空煲煲仲要好慳火tim~~凍食又得熱食又得!!

而且黑糯米有補血養氣，滋陰補腎既功效…好岩女仔食呢~

[家常小菜] 瑤柱肉碎扒豆腐

今次呢個豆腐，煮法簡單，而且好味道又有營養!!小朋友都追住黎食~

玫瑰花餃子

最近網上好興既玫瑰花餃子，真係好有創意!!!

有朋友黎阿妹家，餃餃陣想試下包，就同大家分享下~~

自家制既餡料多菜少肉，配埋大地魚湯底!!!正呀~~

三文治壽司卷

三文治大變身!!!!成為同壽司一樣既三文治卷~~
無論假日野餐，派對小食定係午餐盒，大人小朋友都會有驚喜^^

白玉藏珍 (冬瓜盅)

夏天會多左食冬瓜消暑….

今次整既白玉藏珍，就好似倒轉左既冬瓜盅…

食個陣切開，材料流出，好有驚喜!!!
而且冬瓜已去皮，食個時更方便!!

天使蛋糕 (伯爵紅茶戚風蛋糕)

家姐難得返香港，平時佢見我整蛋糕，有得睇冇得食!!

今次就整個好野俾佢試下啦!!!

用左TWG既earl grey茶葉 + 日本買既紅茶粉…

戚風蛋糕好鬆軟又好香茶味..

而為左氹姨甥仔開心，我抹上忌廉再加健康既水果乾鋪面~

小朋友見到就最興奮開心!!!

「消暑哈密瓜雪芭」

天氣太熱啦!!!!!!
唔想離開冷氣外，仲想食D冰涼既野~~~
自制雪芭，無添加又健康，食多D都怕!
仲可以揀自己中意既生果~

明太子墨魚滑釀雞翼

係日本買左D明太子返黎…梗係要整返個明太子雞翼啦!!!

但明太子偏咸…所以加埋墨魚滑一齊釀，多層口感又好味!

釀雞翼真係一個好花心機時間既菜式…

拆骨真係唔容易~所以啖啖都要好好品嘗!!

另一半食得滋味開心!我就好滿足~~~

材料

雞翼連翼尖       15隻

墨魚滑           150g

明太子(細Pack)   約3條

雞翼醃料:

鹽      1.5茶匙

糖       1茶匙

黑胡椒    適量

味琳     2湯匙

清酒     1湯匙

做法:

1.     我係買雞全翼既，雞亦解凍後，切走雞槌下次整

2.     雞翼拆骨，先剪走在翼尖的指甲

3.     剪開兩骨中間的白色骨，兩骨分開

4.     伸剪刀入雞翼內，剪斷粘在骨上的肉

5.     將雞肉雞皮套下，露出兩支骨

6.     用手一扭，拔走雞骨

7.     已拆骨私雞翼先用醃料醃4-6小時

8.     明太子界開薄膜，用匙刮出明太子與墨魚滑拌勻

9.     將材料釀入雞翼並以牙簽封口

10. 焗爐170C預熱，焗20分鐘

11. 取去牙簽，食得啦!!

 

自製香口魚鬆

之前買左麵包機，除左麵包之外重可以整果醬。

但上網時發現，原來佢重可以整炒魚鬆！

呢個簡宜真係天大既喜訊，
因為係澳洲很難買到好食既魚鬆或豬肉鬆，
買到既又未必好食同埋一定好貴，
所以如果麵包機可以成功咁整到魚鬆，呢次真係無買錯喇！
以後食粥，炒飯都可以加魚鬆，諗到都開心~~　

XO醬絲瓜炒蝦仁

夏天瓜比較當造，所以會多吃瓜...
冬瓜絲瓜節瓜通通都喜歡~
今次用上自家制XO醬炒蝦仁...
夏天咁熱，快煮之選!!簡單又好味...
而且買急凍蝦仁想幾時煮都得~好方便!

韓式茄汁辣雞槌

           成日食雞翼，今次轉轉新意思食雞槌~~~

用韓國辣醬加茄汁，酸酸辣辣好岩夏天食呀!

加少少橄欖油醃…
一來可以開稀D辣醬，另外落油醃D肉食落更加滑滑~~正

懷舊西炒飯

我諗而家呢個年代，應該好少人會係餐廳點西炒飯。

我細個讀書果陣，好多時學生餐都會有西炒飯，
其實只係雜豆香腸茄汁炒飯，但當時就覺得好特別，
感覺比揚州炒飯高級，又無茄牛飯魚柳飯咁普通~

今次係心血來潮，想煮黎懷舊下，但估唔到簡簡單單，
其實都重幾好食，我仔仔重清晒一大碟添～

日式薑汁煮豚肉

呢味餸我久不久就要煮，因為另一半好中意食…

一道餸有肉有蔬菜有汁，超好送飯!!!

而且簡單易煮，新手都一定搞得掂!

材料:

豬肉片       約300g

洋蔥             1個

豬肉片醃料:

薑汁       2湯匙

鹽         半茶匙

味醂       2湯匙

胡椒粉     適量

調味料:

醬油       2湯匙

味醂       1湯匙

糖           1茶匙

清酒       1湯匙

薑汁       2湯匙

水          60ml

做汰:

1.      洋蔥切絲備用

2.      豬肉片先醃30分鐘

3.      開鑊落油，先炒一炒豬肉片，
     豬肉片鬆開轉色，即可撈起備用

4.      原鑊落油，炒香洋蔥絲，加少少水蓋上蓋煮，
     見洋蔥絲變軟

5.      加調味料及豬肉片

6.      煮大約5分鐘

7.      上碟食得啦!

妹妹心得:

*因為豬肉片多數買返黎係疊住左，
  如果唔炒一炒鬆開，煮個陣有機會疊埋唔熟，
  而且炒一炒香D

*洋蔥要煮熟透淋晒，先會甜

香辣醬炒蟹配脆米粉底(附劏蟹方法)

 

話說阿妹我個早兩日睇running man見佢地食蟹…睇到我流晒口水…

忍唔住好想食蟹呀~~~

之前買既炒辣蟹醬岩晒…配埋香脆米粉底!!!

米粉索晒D蟹汁精華!!!!另一半都大讚超好食呀~~

芝麻半熟吞拿魚配橄欖油醋汁

以橄欖油和日式調味做成既醬汁，配上半生熟的吞拿魚，
外層鋪滿香脆既芝麻，絕對係夏天既開胃美食!!!

自家浸梅酒

早排見好多jm都開始浸梅酒….

本身今年同媽咪都唔打算再浸，因為屋企仲有存貨XDD”

但阿妹我去日本個陣見到D梅又圓又大粒…加上我都未試過浸日本梅…

就買左少少返黎試浸下啦!!!

係機場又見到有25%酒精既日本燒酎(一般清酒酒精濃度唔太高，約13-15%)

就黎個日本酒浸日本梅啦!!!