椰皇鮮奶燉雪燕

 

呀妹而家雖然少入廚，
但久不久都要整D好野俾婆婆同自己嘆下XD”

[孕婦/母乳媽媽湯水] 鮮奶豆腐紅衫魚湯

無論孕媽媽/母乳媽媽要飲多D魚湯，
除左蕃茄魚湯，都可以煲鮮奶魚湯~

一樣鮮甜有益又有營養~~

我煲湯時會將紅衫魚壓爛，更易出味!所以一定要隔渣呢~~

蜜糖芥末籽焗雞翼

過新年除左賀年菜外，有時都要照顧小朋友/大細路既口味!!
當然唔少得個個都中意既雞翼啦!!!
超簡單又甜甜地...個個都搶住食!!!!

魚唇瑤柱羹

新年菜式少不免會煮羹，除左之前分享的粟米海皇羹
今次的魚唇瑤柱羹都係一個好選擇，
材料豐富又好味!!!仲好好意頭tim~

魚唇膠與花膠一樣含有豐富蛋白質及膠質，
用來炒、燜、燉、煮都一樣好食。
而且細細件容易浸發，用時比花膠方便，
價格又相宜，岩晒日常住家食用。

 短片示範: 

紅棗蓉年糕

上星期睇完鼎爺教整「棗蓉年糕」!!!
屋企齊晒材料，心動不如行動，糕GOGO!!

趁bbs訓左，即刻開壇整糕
鼎爺話要夠甜先可以帶出紅棗既香味!!
佢節目中話糖要13-14兩，BIGBIG食譜就話要600g(約16兩)
最後我落左14兩(約540g)
甜少少，但真係好香棗味呢~~而且我用左增城蔗糖，仲香~
口感軟燸，very good呀!!!

短片:

[孕婦食譜]蓮子百合南棗燉黃耳

黃耳除左可以用鮮奶燉，亦可以加配料燉糖水，
因為唔係個個孕婦都接受鮮奶。

同樣健康有益!!又滋潤~~

惹味黑椒雞翼

雞翼係我家熱門菜式，簡單易整快靚正~~呵呵

之前買左樽黑椒醬，用黎醃雞翼再焗~~

小小辣好惹味呢!!

材料:

雞翼   1磅

鹽     半茶匙

糖     1.5茶匙

醬油   1湯匙

味醂    2湯匙

胡椒粉  少許

黑椒醬  3湯匙

1.     雞翼解凍後，抹乾水，先用醃料醃最少4小時

2.     焗爐170C預熱，雞翼先反轉鋪網架焗15分鐘

3.     之後再反轉雞翼，再焗10分鐘

*如果怕黑椒醬太辣，可以加多少少糖去醃中和返~

滑滑豉油雞

豉油雞唔難煮，最緊要係個豉油汁，同埋一定要用浸雞既方法，咁就會做到滑滑豉油雞~~

蘋果雪梨三棗茶

呢期天氣好乾燥，要煲返D潤野飲下先~~
蘋果雪梨好潤，加埋三棗好好飲tim ar~
因為材料本身帶甜，所以無需額外加糖，
俾孖B飲佢地都好中意呢!!

三棗係紅棗、南棗、蜜棗
紅棗南棗補血、補氣養顏，而蜜棗清心潤肺

花旗參石斛燉湯

花旗參補氣、提神、生津止渴;
石斛滋陰清熱明目、養胃生津。
好岩我地湊小朋友成日捱夜唔夠訓，或者工作壓力大既繁忙人飲架!!
材料簡單，湯味仲好濃郁。
另一半放工夜返，回家有啖湯飲真係暖在心頭呢!

藥膳雞腳

係酒樓成日點既1個小食，但其實自己整都唔難…

而且我唔太敢飲酒樓個啖湯，好油好肥咁….

自己整食得安心又放心，啖湯仲好好飲呢~~
入秋係時候補補啦!!!!

對自己好一點- 金寶蟲草皇即食燕窩

女人，幾時都要愛惜自己!!錫自己!!

做左媽咪後，
萬大事都以BB👶🏻為先，又夜訓…
身體皮膚狀態都同以前唔同晒
要食D好野幫自己補補~hahaa~

燕窩潤肺滋陰養胃，
仲可以美白皮膚，
補充氨基酸原，
令皮膚保持水分及彈性，
同時抗衰老，岩晒我地食呢~

不過返工照顧BB勁忙，
都冇咩時間可以燉燕窩食。
所以市面上就有唔同既即食燕窩選擇!!

今次就試食左金寶蟲草皇的即食燕窩!!

睇落細細樽，但真材實料…用料好足!!
入口啖啖燕窩口感豐富!!
絕對冇「水多過料」既感覺!!!!
甜度岩岩好，好清甜，勁岩口味呢~

手工制即食燕窩，用上原盞馬來西亞燕窩，
加冰糖紅棗每日新鮮燉製，絕無其他添加。
有興趣既朋友都可以去佢地fb睇下!!
金寶蟲草皇

南棗花膠燉鮮奶

懷孕到後期，間唔中都會食下花膠養胎，花膠含有豐富膠質及蛋白質，

就算唔係懷孕，都可以食花膠養顏滋潤下，特別秋冬季，

今次我用左南棗代替紅棗，同樣補血補氣，但南棗冇咁燥~