秋葵牛肉卷

上次煮日式牛肉飯，重有少量牛肉片淨左，一於將佢變身做個秋葵卷，加個照燒汁，又一個好味有益既餸菜！

日式牛肉飯（吉野家式多汁減糖板）

係澳洲好難搵到吉野家式既日式牛肉飯，

所以都係自己整最好，隨時食都得。

其實日式牛肉飯好易整，而且材料好易買到，

15分鐘就食得，要多汁、特盛或多肉少飯都可以任君選擇~~

有時間的話，配埋流心蛋就更加好味~~

示範短片--->>

與許志安有個約會~

今次好開心出席eCosway X 許志安代言人續約記者會 暨  ASPEN不鏽鋼廚具新品發佈會!!

簡易炆鮮鮑魚

澳洲鮑魚好出名，除咗大家熟悉的青邊鮑之外，仲有黑邊鮑同啡邊鮑。

就到母親節，所以身為媽媽既我，決定煮餐靚大鮑，慰勞一下自己！！

今次炆既係新鮮青邊鮑同啡邊鮑，之前炆過比較細隻既鮑魚，第一次炆咁大隻，但好彩都無失手，重非常成功！

今次既啡邊鮑比較大隻同軟身，青邊鮑就比較爽口，而且鮑魚味道比較重。

啡邊鮑炆好切開，好厚肉，好入味！

材料：

鮮鮑魚/急凍青邊鮑 （先解凍）

雞腳 6-8隻

乾瑤柱 3大粒

瘦肉 半斤

雞湯  1公升

蠔油  3湯匙

生抽  1湯匙 

雞粉  半湯匙

冰糖  60g

薑片2塊

蔥段 3-4段

水  適量

左邊係啡邊鮑，右邊係青邊鮑

做法：

1. 將鮑魚洗淨備用。

2. 雞腳和瘦肉沖洗後先出水，備用。

3. 準備一個中型煲，將所有材料加入。

4.水量要蓋過所有材料，煮滾後先試味，再再慢火炆。細既鮑魚炆約2小時，大青邊鮑炆約4小時。

5. 炆好之後，倒出適量湯汁，再小煲煮熱再打生粉獻，煮成濃醬汁，淋上鮑魚即可。

雞腳炆好後，也非常好食，膠質十足！

炆好之外，個湯汁係精華所左，煮個鮑汁撈麵，真係一流！

泰式打拋肉碎

之前係藍象買左包打拋醬，
阿姨話用黎炒肉碎/雞粒都好好食架bor~~

泰國料理常用既打拋係用聖羅勒的變種 Thai holy basil加辛辣香料來煮。

所以打拋醬係偏辣既~~~但又好惹味!!送飯一流!!

短片示範: 

[簡易料理] 韓式年糕湯

最近同事去韓國旅行，買左牛骨湯粒俾我~~

放工回家，唔想出街食又唔想煮，

就一於快快手整返個簡易年糕湯!!!

香煎腐皮紫菜卷

超簡單易做，腐皮煎香酥脆，配上泰式辣醬/ 沙律醬勁好味!

影完相已經即刻秒殺晒啦!!

而且用Serafino Zani 尚尼 IHC恆溫鍋 <詳細介紹>去煎，
控制油溫冇油煙，又唔怕燶!!

咸魚雞粒豆腐煲

簡簡單單既家常菜，最能夠食出家的味道~~~
家姐我有時係澳洲思鄉...就會整下咸魚呀，煲仔菜!!飯都可以食多兩碗~

花蟹海鮮粥

最近天氣忽冷忽熱~~冇咩心情想煮飯(明明就係懶)

咁岩行荃灣，楊屋道街市最出名賣海鮮平靚正!!!就整返個海鮮粥~

今次用真空煲煮，仲好方便添!

鹽漬櫻花曲奇

踏入初春，又到櫻花季節啦!!

LC，星巴克，家品店都狂推櫻花產品…勁心動~~

之前家姐係日本買左鹽漬櫻花俾我~~

上年整左櫻花忌廉卷 ，今年就試下櫻花曲奇啦!!美美的~

短片示範:

 

檸檬蜜糖磅蛋糕

其實我都幾中意食pound cake，中意佢果個質地，

加入之前日本買既瀨戶內海既檸蜜!!好清新呀~

簡簡單單做早餐/下午茶，配搭杯紅茶就prefect喇!!

榨菜肉碎蒸豆腐

有時做煮婦，真係需要一點小創意，同一點小聰明，

巧妙咁運用手上既材料，煮出好味又賣相得體既餸菜~

今次呢個「榨菜肉碎蒸豆腐」，

就是因為雪櫃只有豬扒同豆腐，

準備好煮蔥油豬扒，但搵黎搵去都搵唔到屋企有其他材料配豆腐.....

所以就臨時將其中一塊豬扒變成肉碎，

加上榨菜一齊蒸豆腐，

賣相靚靚，又有營養，煮婦既小智慧又一次成功！

大阪燒

早幾日行超市，另一半拎起包大阪燒粉叫我整佢食…

難得佢有要求，我地就一齊回味下日本既大阪燒啦!!!

大阪燒主要材料椰菜外，其他都可揀自己中意既配料!!

係屋企都食到日本風味呢~~

［人氣麵包］鹽可頌

第一次食鹽可頌係日本時，味道覺得驚為天人!!!

簡單材料，鹽同牛油~~~
點解可以咁好味架!!!!

終於係屋企試整左，今次係參考左師兄烘焙教室既份量去做^^

 一出爐即秒殺，真係好好味!!!

魚翅瓜雪耳煲西施骨湯

最近天氣好反覆….

行街市個陣打算簡單煲青紅蘿蔔~~

點知阿姨介紹我煲魚翅瓜，一樣咁清潤!

而且食落口感一絲絲，爽口清甜

短片示範: 

韓式炒粉絲

正式既韓式炒粉絲，就係將每樣材料各自炒好，最後撈勻食。

但簡易版就少D功夫，一齊炒，再加上韓式牛骨汁調味!!!

有菜有肉有蛋有粉絲，食一味就飽飽~

意大利蛋白杏仁脆餅

呢個脆餅意大利人叫Amaretti，係用蛋白、杏仁粉同糖簡單三重材料做成既小茶餅。

佢係外層脆口，內裡軟身有趙頭既餅乾，但有人都會將佢焗到內外都同樣脆口既。

而且佢無奶、無牛油、無麵粉，
對牛奶或麩質(gluten) 敏感人士都可以放心食~~

[家常小菜] 白豆角炒五花腩

今日行街市見到白豆角好平，
加埋雞脾菇炒五花腩，

簡單有肉又有菜~

加埋甘荀，顏色豐富又有益！

陳皮紅豆沙

呢期天氣凍冰冰，
真係要食返碗暖笠笠既紅豆沙暖下~

配上幾十年既陳皮，真係超香

紅豆屬高蛋白質、低脂肪的高營養榖類食品，
而且含有豐富的鐵質，可以補血、促進血液循環、增強抵抗力。

綿綿既紅豆沙其實唔難煲，但要花心機時間去慢慢攪拌至起沙~

所以唔好睇少碗紅豆沙，啖啖都係心機呢~

 短片示範:  

泰式炒金邊粉- PHAD THAI

家姐我仍然享受緊澳洲既夏天，

所以每日既晚餐都會想煮D簡單快捷既，因為唔想係廚房留太耐，實在太熱～～

之前係香港買左一堆新食材，今晚就試下10分鐘煮好既藍象—泰式炒金邊粉。

我睇左盒上說明之後，我自己改左少少做法（例如將金邊粉過冷河、加入額外既蝦），所以大約20分鐘先煮好，但仍然好快煮好食得。

味道同餐廳食既幾乎一樣咁好，個人覺得非常抵食！而且10-20分鐘可以煮到靚靚上枱，絕對係快煮既新主意、新手入廚既新「殺手鐧」！