香煎慢煮鴨胸 [伴黑醋汁沙律]

鴨胸好多時都會食煙鴨胸/焗鴨胸

今次用慢煮去整鴨胸，肉質好淋滑，

而且肉汁豐富！

慢煮後再煎香外皮，又香又脆，
..

而且預早切成格仔紋，煎香後賣相更吸引~

黎緊既情人節大餐，大家可以試下整呢~
  

胎菊馬蹄糕

新年假勁快就過左啦!!!(仲未調節好返工mode)

今年整左好多糕，但阿妹其實最中意食係馬蹄糕!!!

但曾經試整過幾次都唔太合意。今年見到大少奶個食譜超簡單~

就試下啦!!估唔到好掂呀~~係我中意既質感，夠晒爽甜!!

再跟據自己既口味，調整一下，加左可以清熱解毒，平肝明目既胎菊!!
新年食咁多熱氣野~~食返件清熱糕點就岩晒!

蟲草花素湯

新年食左好多糕，熱氣野，零食，想清下腸胃，
就煲左蟲草花粟米百合素湯，

好甜又好潤，飲落去喉嚨舒服晒…

賀年-老少平安

就黎新年，要煮團年飯開年飯....好忙呢~

新年食飯好多時都會要意頭野，生菜生財，髮菜蠔豉發財好市

當然最重要係老少平安啦!!哈哈~

除左豆腐魚肉外，賀年版仲加左蟹肉，更有體面~

粟米海皇羹

我家賀年大熱菜式，簡單又好味!!!

金黃粟米加上海鮮配搭，金銀滿屋，盆滿缽滿!!

新手都冇難度~~~

賀年菜式--- 「撈起魚生」+ 薄脆片做法

新年係香港好熱鬧!!!!
家姐澳洲呢邊就冇咁多節日氣氛啦~

不過我地自己一家同D朋友都會聚埋一齊賀年!!

當然唔少得賀年菜啦!!!

家姐我一定會整既就係「撈起」。

祈望新一年大家都撈到風生水起~~ 

台北大稻埕- 雜貨竹器食具推介

今次去台灣快閃，打算食食食!!

點知上機前係機場打書釘，發現左台北大稻埕呢個地方!!!

有賣雜貨食器，竹器木具鑄鐵都有!!!超吸引~~
所以決定去八下…位於廸化街一段，
goggle map由台北車站行去約25分鐘，
但因為去個朝落雨…我地決定搭的士去，
由新光三越上車去到都係TWD80，勁平又快!!

*桂花杞子雪燕糕*

屋企人好中意食桂花糕，淡淡既桂花香...晶瑩剔透，
今次仲特別加入大熱既雪燕...
杞子養肝明目，雪燕滋陰養顏!
新年當然都唔少的得佢啦!

班蘭椰汁年糕 & 黑糖薑汁年糕

今年好努力整糕~~哈哈

班蘭年糕既食譜係跟May 姐既(冇落雞汁架hahaha)，

跟住再加少少變化，做埋黑糖薑汁!!

味道好好，用新鮮班蘭汁整勁香…

蒸熟熱食煙韌軟糯，又唔痴牙!!正~

臘味芋頭糕

以前我阿妹我唔係太鐘意食芋頭糕....
比較鐘意食年糕hahaha~
但而家人大左，口味都改變，開始識欣賞芋頭糕!!!
所以都研究下點整先，上網睇左好多食譜，
左試右試，試到個岩自己口味既~
少油不膩，蒸熟時好軟熟，雪凍後翻熱煎香外脆內軟有芋香!正
不過做芋頭糕最重要梗係揀個靚芋頭，咁已經成功左一半啦!!哈哈

短片示範: https://www.youtube.com/watch?v=SXWKyE4gizM&feature=youtu.be

慢煮滑滑豉油雞翼

今次試整慢煮豉油雞翼，其實慢煮真係超方便!!!

整好晒放入去，唔使睇火唔使理，夠鐘就食得!!!

好慳水慳力!!XDD”

而且經過慢煮既雞翼真係超滑，完全入晒味!!連軟骨都食到~~讚!

生日慶祝- 焱丸水產

12月，除左有我最中意既聖誕節外!!! 

當然係阿妹我既生日月啦!!!

呵呵呵呵~~~

今次真係要紀錄低朋友帶我去食既呢餐生日飯~~

因為真係好正，勁開心超滿足!

「焱丸水產」海鮮浜燒~
當然係食日本風味既海鮮BBQ!

星期五晚book左8:30，記得一定要book台，因為好爆下!!

我地到左都要等差唔多20分鐘先可以入座…

「點心海鮮扎」

飲茶雞扎就食得多，其實自己都可以係屋企扎架！

材料揀自己喜歡，今次我地整左海鮮扎！

一人一件好方便！

而且今次係大埔買左樹記腐竹，真係好掂！

[健康素湯] 紅菜頭雜菜湯

放左幾日聖誕假期，大家都應該食左唔少豐富既大餐，
今日就分享一日簡單快捷既紅菜頭蕃茄素菜湯俾大家。
多食蔬菜可清清腸胃，俾身體休息一下，
之後再迎接2017新年倒數活動同美食！
而且紅菜頭、甘筍等材料煮出黎既湯，非常清甜，大人小朋友都會喜歡。

「慢煮豬鞍伴忌廉蘑菇汁」-Sous vide/ Slow cook Pork Chop

之前試過用蒸爐慢煮豬鞍，但效果未如理想

有左Slow cook tower又買到豬鞍!!!終於可以再試…

果然好夠淋，而且豬鞍已熟
仍保持粉紅色，配埋之前分享既忌廉蘑菇汁

係屋企都做到高級餐廳既味道!!
聖誕大餐係屋企食無難度~

日本九州遊和牛分享- #松阪牛 #佐賀牛 #小倉牛 #宮崎牛

今年去日本九州時都分享過食左好多款唔同既地道牛，
收到唔少JM都pm問下餐廳既資料，一於整理返篇Blog，同大家介紹下。

 仲有之前係大阪食既松阪牛M~~

杜如風既關西攻略2都有講過，要食性價比高既日本鐵板燒牛，
識食一定食lunch~因為質素一樣，但價錢就抵食好多啦!

好似佐賀牛為例，如果你lunch去食佐賀牛steak set只需約5000Yen,
但同一Set 夜晚食就要8200Yen啦!!

香橙杏仁蛋糕（無麵粉無油無奶）

今次分享一個特別無麵粉無油無奶既蛋糕食譜，
因為係外國生活，身邊不少朋友都有對麩質(GLUTEN)過敏，
佢地唔可以食任何小麥或麥類既食物，所以簡單如麵包、意粉或蛋糕，都要揀GLUTEN FREE 既。

有一次我睇食譜書，發現呢個香橙杏仁蛋糕，
就特別整俾我對麩質過敏既同事做生日蛋糕，
焗既時候，整廚房充滿香橙既味道，
香味令人非常期待~~

到試食果陣發現，
原來無麵粉無牛油既蛋糕都一樣咁好食架！
佢係好濕潤，好moist 質感，
出爐之後放暖即刻食，或放雪櫃雪凍食都咁好味~
非常適合做冬天既甜品！

材料：

橙              2個(共約重400g)

雞蛋          6隻
鹽             1/4茶匙

糖粉 (Caster sugar) 250g

杏仁粉(Almond meals) 300g

泡打粉(Baking power) 5g

做法：

1. 先用暖水洗刷乾淨橙的外皮，之後用刀切開一半，去除橙籽。

2. 將橙連同2湯匙水，用玻璃碗裝著，包上保鮮紙，在保鮮紙上用刀𠝹2個小洞，放入微波爐加熱10分鐘 (1000w)。

3, 加熱完成，待3分鐘後取出，放涼5分鐘。

4, 將煮到軟爛的橙和糖，用食物處理器(food processor)或攪拌機(blender) 攪拌成果醬。 

5, 再加入蛋，攪拌大約1分鐘。

6. 最後加入杏仁粉、鹽、泡打粉，攪拌均勻。

7. 焗爐預熱180c，將蛋糕團倒入23cm直徑既圓形蛋糕盤
放入焗爐焗35-40分鐘。

8. 完成後，先待蛋糕放涼定形後，灑上糖粉和杏仁片，即成！

**如沒有食物處理器(food processor)，可用攪拌機(blender) 將橙和糖攪拌成果醬後，從步驟5 開始，就可以用打蛋器幫忙攪拌。

[20分鐘宴客菜] 蒜蓉大蝦粉絲煲

冬天最中意食煲仔菜，原煲上食到最後都仲暖笠笠。
今次分享既蒜蓉大蝦粉絲煲，簡單好味又易煮，
新手都冇難度，岩晒冬至/團年飯，

20分鐘就煮出一道宴客茶!!!

材料:

蝦14-16 隻

蒜蓉 2 湯匙

粉絲2札

雞湯/上湯  2碗(400ml)

蔥 適量

調味料:

老抽一茶匙

醬油 1 湯匙

麻油 少許

鹽   半茶匙

2分鐘示範短片>>>

做法:

1.  先將蝦沖洗乾淨及挑走蝦腸，備用。

2. 粉絲用水浸約5分鐘，隔水備用。

3. 用一個中型煲/鑄鐵煲，先落油用中火炒香一半分量的蒜蓉，再加入大蝦，贊酒炒至微熟，盛起備用。

4. 炒香餘下的蒜蓉，倒入雞湯同粉絲，再加入調味拌勻。

5. 較至小火，將蝦圍圈鋪好，加入蔥花加蓋，中小火煮3-4分鐘。

6. 關火後，淋上滾熟熱油就完成。

薑味黑糖戚風蛋糕

 聖誕節除左整Gingerbread, 都可以試下整Ginger Chiffon Cake!!haha~
係日本烘焙店買左包薑粉…加埋日本買既黑糖，掂晒!

用廚師機打蛋白霜勁快靚,正…

包薑粉超薑，打開聞下都覺得攻鼻… 
最後發現香港富澤都有得買呢~

豉油皇雜菇造型意粉

今次分享呢個造型意粉係咪好可愛呢?

家姐我參加左珠江橋香港美女厨房嘉年華創意食譜比賽，

請大家click入以下連結投票，支持 9 號  -- 豉油皇雜菇造型意粉

https://zh.surveymonkey.com/r/J73Y56Y 

(按完成鍵後即可完成投票，無需登記架)