忌廉南瓜蜆肉意粉

南瓜營養豐富，含有澱粉質、蛋白質、胡蘿卜素、維生素B&C，
同埋孕婦好需要既黃體素，而蜆肉亦都有豐富既蛋白質同鐵質!

有人怕擔心食海鮮會影響BB皮膚，
又怕佢出世後易敏感，所以會懷孕期間戒食海鮮。
我就問過西醫，其實BB皮膚/敏感同媽媽飲食關係冇關，
最重要係海鮮要切底煮熟!!
所以除左寒涼既蟹，其他海鮮我都有食~~

姬松茸太子參燉湯

最近天氣仲係忽冷忽熱，出入商場又凍...

即刻整返個燉湯打下底~~

姬松茸有增強免疫力、改善肝功能、補腎功效;

而太子參有補肺益氣、健脾生津、抗疲勞、增強機體抵抗力的作用

芒果雪燕西米露

之前行過果欄，見到D腰芒好平，$20蚊一大桶!!
即刻買黎整西米露先~

加埋雪燕好養顏呀!!!haha~

黃金風琴焗薯/ 芝士煙肉醬風琴焗薯

超級簡單容易!!!而且兩個醬都好邪惡呀~~

特別新出個隻芝士煙肉醬，勁好味!!!!

一定要試呀喂!

[懷孕食譜] 蟲草花姬松茸杞子蒸雞翼

 大肚媽媽既要食得健康有營養，當然都要好味啦!
蟲草花可增強體力； 姬松茸有增強免疫力、有補腎功效;

而雞翼亦會選擇無打針，無激素既~~

簡簡單單好岩懷孕時食架~有益又有營養!

黃金四季豆

今期好多團購都有得買既流沙咸蛋醬，
我都趁熱鬧買返樽黎試下先…

簡簡單單用黎炒四季豆，味道都唔錯…有時放工/要快手煮都好方便!

櫻花通粉沙律

3月踏入櫻花季，未去賞花之前都可以係屋企見到櫻花~

超簡單容易整既通粉沙律，可以同小朋友一齊親子製作。

今次用左櫻花通粉仲吸睛呢!

短片示範:

泰式豬頸肉

屋企樓下新開超市原來有本地既黑毛豬賣…

買左pack豬頸肉試下整先!!
超簡單，醃夠時間一焗就食得!

[孕婦湯水] 淮山蓮子肇實煲牛鰍魚湯

牛鰍魚性平，含有豐富蛋白質，碘質，有健脾養胃及補血之效，適合氣血不足之人食用。亦好岩女士/孕媽媽飲架~~

之前頂住個大肚行街市，打算買梳羅魚煲湯，
點知隔離左右幾個太太都推薦我買梳羅隔離既牛鰍魚煲湯
(成日聽到牛鰍魚好有益…但我之前唔知個D係牛鰍魚XD”)

佢地狂話牛鰍岩我飲，又話唔係成日有得買
佢地個個都買….咁我就唔執輸都買返幾條:P

粟米竹笙海皇羹

團年/開年當然唔少得湯羹喇！
大家族食飯要煲好大煲，
或者好似我地要湊b冇咩時間預備
都可以試下今次呢個粟米竹笙海皇羹..

雖然用罐頭湯（但其實罐頭湯都好好味😝）
但花d心思，加入唔同材料，
都成為好美味既湯羹！
大人小朋友都一定喜歡😊

 

黃金蟹籽炒飯

 

新年餸菜當然要好意頭！

不過唔係個個都有時間炆燉靚餸，
包括我地兩姊妹👭，今年我地各自湊住2個，
時間真係唔見洗，入廚房既時間越快越好

但當然唔可以是旦求其了事，
所以選材要方便，賣相要靚靚，
咁就可以快靚正咁食到好野😋😋

今次呢個✨黃金蟹籽炒飯🦀，
只係簡單用罐頭蟹肉同埋蟹子做配料，
咁就做到豐富又豪華既炒飯😍😍！

今次重用左前一晚食完既阿拉斯加長腳蟹蟹蓋做碟，上枱真係特別吸

紅豆紫米露

自從懷孕後，好多野都要戒口，
凍既生冷既通通唔食得…甜既又可以食太多~

女仔最中意既飯後甜品，梗加得個恨字….

其實適量甜品都可以食既，但中式糖水比較適合，紅豆沙，芝麻糊，合桃露都OK~~
今次分享既紅豆紫米露梗加有益!!
自己煲可以控制甜度，食多少少都唔怕啦!!
而且用真空煲煲，快靚正又方便!

紅豆益氣補血, 有助去濕消腫利尿。
紫米有滋陰補腎，健脾暖肝, 而且含有豐富既蛋白質&鐵質、非常補血。可
以幫助促進血液循環的特性，有「坐月子米、補血米」的稱號!

豬肉蒸水蛋

睇落好似好簡單容易既家庭小菜，
但要整得好味，豬肉碎熟透，但蒸蛋仍然滑溜，都需要小小技巧~
重點係: 1) 蛋同水既比例 2)蒸蛋既碟


睇下張相就知，碟蛋蒸到幾滑~~~

陳皮杞子蒸龍躉

係街市買左件龍躉腩，簡簡單單加陳皮杞子蒸已經好鮮味。

而且龍躉皮好厚好有膠質，女仔食多D補補膠原BB~

韓式柚子蜜炸雞

韓式炸雞真係好好食，味道變化有好多種，
有辣味、芝士味、蜜糖醬油、蒜香........
今次試韓式柚子蜜味，
開始時怕會太甜，但原來只要加少少鹽平衡返，
就做到帶柚子甜味既炸雞，重會食唔停口，非常滋味~

馬蹄肉餅蒸釀冬菇

肉餅食得多有時都悶悶地，今次花少少心思，釀落冬菇..

好睇又好味!!仲好有新鮮感~~

鮮百合蓮子雪耳糖水

去到11月尾，終於有冬天既感覺～
天氣凍凍地，心思思要食下糖水，冷暖下滋潤下…

鮮百合有潤肺清心之效，可止咳、開胃、安神，有助增強體質。

雪耳就充滿膠質，可以滋潤肌膚，全家都好啱食～～

粟米斑塊

粟米斑塊係一道簡單既家常菜，久不久另一半就會想我整俾佢食，平時多數用急凍魚柳，今次豪少少買左新鮮既龍躉腩去煮!!魚肉厚炸出黎超好味! 仲用左刀嘜新出既「金裝橄欖花生油」，佢含有豐富單元不飽和脂肪酸，而且煙點高，用黎高溫炸就非常適合!!

照燒雞脾菇

Green Monday其實都好多選擇!!!!
今次呢個10分鐘料理~
簡單又好味!!!

[孕婦食譜] 藍莓奇亞籽麥片乳酪杯

懷孕後過左3個月踏入穩定期後，就開始食多左乳酪!!
夏天唔食得雪糕，食乳酪都可以滿足下。
乳酪含有豐富既乳酸菌&益生菌，而奇亞籽就有豐富既膳食纖維，蛋白質&維他命B，促進腸胃功能，又可增加飽肚感。

準媽媽最好揀低糖既純乳酪(我就中意食希臘乳酪)。而且買細杯裝，每次一杯確保衛生。