韓式麵豉醬汁焗蠔

其實家姐我一直都很喜歡韓國料理，因為佢地有好多不同既醬汁醬料，除左好方便簡單咁煮到美味既韓國菜色之外，重好有創意空間去煮變化多樣既新奇美食~

最近參加左個"創意料理遊戲"，重好幸運地中左獎，所以今日就同大家分享呢個創意料理~

[簡易清潤糖水] 木瓜雪耳糖水

      呢2日朝早有D秋意...好舒服呀~~~

喉嚨好似預早知咁....乾乾地~~
用木瓜雪耳，30分鐘就煮左個又好味又滋潤既糖水啦!

日式飯團

夏天太熱啦…
有時晚餐真係唔想煮…

醒起日本買左個飯團模….
就搞搞新意思食飯團啦!

上湯芝士龍蝦配米粉底（多汁更新版）

家姐我終於等到媽咪由香港飛黎澳洲探我喇！真係好開心又感動！大家知嘛，係澳洲得我地一家三口，大家平時又要返工，又要湊小朋友，真係連抖既時候都無～

所以今次媽咪黎探我地兼幫手，又撞正佢晚生日，我當然要好好咁同佢慶祝一下喇！

媽咪最鐘意食海鮮，所以一於煮個海鮮三寶--  「薑蔥蒸蠔」、「清蒸黑𨋢魚」同媽咪最愛既「上湯芝士龍蝦配煎米粉底」。

煎米粉配芝士汁真係好夾，除左龍蝦，煮大蝦、脆魚柳都好好架！

今次媽咪就主動話要多芝士汁，所以我都順便更埋埋上次個食譜，因為我估大家都鐘意多汁，可以撈飯！

牛油果煙肉白汁意粉 - 附示範短片

家姐我一直煮白汁意粉，都會用忌廉（cream) 加蛋法，或者直接買意粉醬去煮。

但黎澳洲之後有一次，識左個台灣人，佢以前係做西廚既，佢有一次見到我用忌廉煮意粉，佢話其實煮白汁唔洗另外買忌廉，只要用屋企長備既係牛油、麵粉加牛奶，就可以做到。

我當然把握機會學下野喇，果然就係咁簡單幾分鐘就可以整左白汁～ 

Tea Gathering @泰逍遙

 

岩岩過去既星期六，

 呀妹同一班Fb蒸焗爐gp既谷友一齊tea gathering

亦係出書後既一次聚會…

係尖沙咀既泰逍遙食泰式tea..

係諾士佛臺一入去就見到個招牌上5樓…環境都好舒服

我地包左場…柴嘩嘩傾計唔怕嘈親人…

我以為會有tea set架XDD”, 可能人多我地逐位上…

*押花DIY*

 

近期呀妹晚晚煮完飯就坐定定，
但就唔係煲劇，而係做手作仔~~~

一口可可米脆脆 - 附短片教學

今次呢個小食，係家姐我中學果陣睇報紙學架！

當時我整左返學請同學食，點知個同班有個女仔，又咁橋睇完果份報紙，又同我一樣整返學請人食！真係撞到應一應～

之後都有做過好幾次，開大食會有整左，
有一次重做成英文字母形狀，送俾朋友做聖誕禮物！

"卷蛋入門"- 原味士多啤梨卷蛋 (分蛋法)

之前分享過幾款唔同味道既卷蛋，有綠茶，芝麻，紫薯....etc...
有朋友問有冇最簡單既卷蛋食譜Share.....
今次我地就還原基本步，整個充滿蛋味既卷蛋啦!!!

自製蒜蓉豆豉醬

蒜蓉豆豉用途好多元化，常用黎蒸魚蒜排骨，有時用黎抄菜又得!!!
市面上有好多牌子都有蒜蓉豆豉醬，但自家製天然冇防腐劑，添加劑~~成本仲好平
整定1樽樽放雪櫃，想幾時用都得!!!!

焦糖燉蛋 Crème brûlée (原味/班蘭味)

呢個甜品認真不得了….每次開party/ 朋友黎食飯都會叫我整~

即燒焦糖脆卜卜，燉蛋滑lulu~

簡直係不敗既甜品，材料非常簡單…

係屋企要做酒店級既甜品絕對冇問題!!!!

薑蔥煮蠔

唔想成日食肉，間唔中都會煮下海鮮~

爆透左既薑蔥超惹味，連蔥都食晒!!!

簡易楓糖蘋果撻

一個好簡單既甜品，但絕對上得大場面，而且對新手黎講都好容易!!
配埋雪糕，一凍一熱，正!!!

材料：(16cm size)

急凍酥皮         1塊

蘋果               半個

牛油                10g

糖                   1茶匙

楓糖漿            2湯匙
雪糕球             1個

做法：

1. 焗爐預熱200度。
2. 酥皮解凍後，用焗盤或煲蓋幫忙，整成大約16-20cm直經既圓型。

3. 用手指圍著酥皮摺成花邊，用叉輕輕隨意地插酥皮，防止升起備用。

4. 蘋果去芯，切成薄片，將蘋果片扇型散開，平鋪都酥皮上。

5. 灑上糖，牛油分開4-5小粒，平均放左蘋果片上，放入焗爐焗15分鐘，至酥皮焗至焦糖色。

6. 出爐後，放涼約5分鐘，就可以配上雪糕和楓糖漿一起品嘗。

海鮮茶碗蒸

呢個茶碗蒸係阿妹係日本旅行個陣，去壽司店食既高級茶碗蒸學返黎，

當日500yen既茶碗蒸，有帶子蟹膏蟹肉魚籽海膽….正到爆!!

而家係屋企都做到日本居酒屋風味呢~~~~

材料(5碗份量):

雞蛋           4隻

水/雞湯       400ml

冬菇(細size)    2粒

帶子           4粒

蟹肉           隨意

蟹籽           隨意

海膽           隨意

調味湯包      1小包

做法:

1.     冬菇預先浸軟，去蒂切簿片

2.     急凍帶子解凍備用

3.     我用日本買既調味湯包，加400ml水煮滾，
或者可以用全雞湯/雞湯+水，合共400ml就可以

4.     雞蛋發勻，加400ml熱湯拌勻(不能大滾直接加入雞蛋，會整熟，要係有點熱會辣手既湯慢慢加入)

5.     預備小碗，先放入冬菇，蟹肉及帶子

6.     利用隔篩過濾雞蛋液落小碗

7.     蓋上保鮮紙，蒸爐100C 蒸20分鐘

8.     出爐後放涼一陣，再鋪上蟹肉, 蟹籽, 海膽

9.     食得啦!!!

妹妹心得:

*材料隨意，放魚旦片，蟹柳亦可

*蒸蛋岩岩出爐，中間會好似有D震騰騰咁，
其實嘆凍後就會實返，就可以鋪刺身等食材

自家制漢堡

 用廚師機整包，就特登整個大size D做漢堡包…

由包開始都係自家制，好健康咁呀~~hahaha

想要咩餡料隨意選擇!今次揀左珍寶磨菇!!

隻菇同個包差唔多szie…好巨呀~~~

牛油果大蝦沙律杯

 一個零失敗，好味又大體夏天派對小食！

材料：

有尾熟蝦

牛油果1-2果

麵包粒（croutons) 

千島沙律醬

做法：

先將牛油果切粒，切成約麵包粒差不多大小。

將3-5粒牛油果、麵包粒和2隻蝦放入小杯中，加上1-2茶匙千島沙律醬就完成！

可以買急凍有尾蝦，解凍後用鹽水烚熟，用冷熟水過冷河。

蕃茄濃湯牛肉通粉

蕃茄湯底，酸酸甜甜，大人小朋友都鐘意！

其實做法唔難，大約30分鐘就煮好，而且只要買靚靚造型既通心粉，即刻變成升級版既「茄牛通」！

材料：

通粉(乾）180g

蕃茄  3個

茄膏  3湯匙（或用茄汁代替）

牛肉碎   200g

雞湯/牛肉湯 300ml

鹽  半茶匙

糖  1湯匙

胡椒粉 少許

做法：

1. 通粉跟隨包裝說明，煮熟隔水備用。

2. 蕃茄沖洗後切碎，中火開油鑊，炒香蕃茄（約4分鐘）

3. 加入茄膏、牛肉拌均，煮2分鐘。

4. 倒入350ml 牛湯，煮滾後調味即可關火。

5. 將煮好既通粉分配好係大碗，倒入蕃茄濃湯，即成。

蟲草花蝦米粉絲扒紹菜

蟲草花有滋肺補腎、護肝、抗衰老、提高身體免疫力等功效，
加埋蝦米粉絲紹菜一齊煮，簡簡單單就一個好好味既家常小菜!!

瀨戶內檸檬蛋糕

日本既瀨戶內檸檬相當出名，今次去廣島時，周圍都有瀨戶內檸檬既產品賣，
醬汁，蛋糕薯片都有…阿妹我就買左瀨戶內既檸檬果醬!!配埋個檸檬蛋糕模，
影相出黎真係幾可亂真正!!!而且今次阿妹幫新買既bosch廚師機開光!!!恨左好耐終於買到~~勁開心!!!!繼續努力!!!!整多d~~