[健康素湯] 紅菜頭雜菜湯

放左幾日聖誕假期，大家都應該食左唔少豐富既大餐，
今日就分享一日簡單快捷既紅菜頭蕃茄素菜湯俾大家。
多食蔬菜可清清腸胃，俾身體休息一下，
之後再迎接2017新年倒數活動同美食！
而且紅菜頭、甘筍等材料煮出黎既湯，非常清甜，大人小朋友都會喜歡。

「慢煮豬鞍伴忌廉蘑菇汁」-Sous vide/ Slow cook Pork Chop

之前試過用蒸爐慢煮豬鞍，但效果未如理想

有左Slow cook tower又買到豬鞍!!!終於可以再試…

果然好夠淋，而且豬鞍已熟
仍保持粉紅色，配埋之前分享既忌廉蘑菇汁

係屋企都做到高級餐廳既味道!!
聖誕大餐係屋企食無難度~

日本九州遊和牛分享- #松阪牛 #佐賀牛 #小倉牛 #宮崎牛

今年去日本九州時都分享過食左好多款唔同既地道牛，
收到唔少JM都pm問下餐廳既資料，一於整理返篇Blog，同大家介紹下。

 仲有之前係大阪食既松阪牛M~~

杜如風既關西攻略2都有講過，要食性價比高既日本鐵板燒牛，
識食一定食lunch~因為質素一樣，但價錢就抵食好多啦!

好似佐賀牛為例，如果你lunch去食佐賀牛steak set只需約5000Yen,
但同一Set 夜晚食就要8200Yen啦!!

香橙杏仁蛋糕（無麵粉無油無奶）

今次分享一個特別無麵粉無油無奶既蛋糕食譜，
因為係外國生活，身邊不少朋友都有對麩質(GLUTEN)過敏，
佢地唔可以食任何小麥或麥類既食物，所以簡單如麵包、意粉或蛋糕，都要揀GLUTEN FREE 既。

有一次我睇食譜書，發現呢個香橙杏仁蛋糕，
就特別整俾我對麩質過敏既同事做生日蛋糕，
焗既時候，整廚房充滿香橙既味道，
香味令人非常期待~~

到試食果陣發現，
原來無麵粉無牛油既蛋糕都一樣咁好食架！
佢係好濕潤，好moist 質感，
出爐之後放暖即刻食，或放雪櫃雪凍食都咁好味~
非常適合做冬天既甜品！

材料：

橙              2個(共約重400g)

雞蛋          6隻
鹽             1/4茶匙

糖粉 (Caster sugar) 250g

杏仁粉(Almond meals) 300g

泡打粉(Baking power) 5g

做法：

1. 先用暖水洗刷乾淨橙的外皮，之後用刀切開一半，去除橙籽。

2. 將橙連同2湯匙水，用玻璃碗裝著，包上保鮮紙，在保鮮紙上用刀𠝹2個小洞，放入微波爐加熱10分鐘 (1000w)。

3, 加熱完成，待3分鐘後取出，放涼5分鐘。

4, 將煮到軟爛的橙和糖，用食物處理器(food processor)或攪拌機(blender) 攪拌成果醬。 

5, 再加入蛋，攪拌大約1分鐘。

6. 最後加入杏仁粉、鹽、泡打粉，攪拌均勻。

7. 焗爐預熱180c，將蛋糕團倒入23cm直徑既圓形蛋糕盤
放入焗爐焗35-40分鐘。

8. 完成後，先待蛋糕放涼定形後，灑上糖粉和杏仁片，即成！

**如沒有食物處理器(food processor)，可用攪拌機(blender) 將橙和糖攪拌成果醬後，從步驟5 開始，就可以用打蛋器幫忙攪拌。

[20分鐘宴客菜] 蒜蓉大蝦粉絲煲

冬天最中意食煲仔菜，原煲上食到最後都仲暖笠笠。
今次分享既蒜蓉大蝦粉絲煲，簡單好味又易煮，
新手都冇難度，岩晒冬至/團年飯，

20分鐘就煮出一道宴客茶!!!

材料:

蝦14-16 隻

蒜蓉 2 湯匙

粉絲2札

雞湯/上湯  2碗(400ml)

蔥 適量

調味料:

老抽一茶匙

醬油 1 湯匙

麻油 少許

鹽   半茶匙

2分鐘示範短片>>>

做法:

1.  先將蝦沖洗乾淨及挑走蝦腸，備用。

2. 粉絲用水浸約5分鐘，隔水備用。

3. 用一個中型煲/鑄鐵煲，先落油用中火炒香一半分量的蒜蓉，再加入大蝦，贊酒炒至微熟，盛起備用。

4. 炒香餘下的蒜蓉，倒入雞湯同粉絲，再加入調味拌勻。

5. 較至小火，將蝦圍圈鋪好，加入蔥花加蓋，中小火煮3-4分鐘。

6. 關火後，淋上滾熟熱油就完成。

薑味黑糖戚風蛋糕

 聖誕節除左整Gingerbread, 都可以試下整Ginger Chiffon Cake!!haha~
係日本烘焙店買左包薑粉…加埋日本買既黑糖，掂晒!

用廚師機打蛋白霜勁快靚,正…

包薑粉超薑，打開聞下都覺得攻鼻… 
最後發現香港富澤都有得買呢~

豉油皇雜菇造型意粉

今次分享呢個造型意粉係咪好可愛呢?

家姐我參加左珠江橋香港美女厨房嘉年華創意食譜比賽，

請大家click入以下連結投票，支持 9 號  -- 豉油皇雜菇造型意粉

https://zh.surveymonkey.com/r/J73Y56Y 

(按完成鍵後即可完成投票，無需登記架)

[電飯煲料理] 櫻花蝦冬菇雞肉飯

其實呢個電飯煲飯，又叫日式炊飯。就係將幾種食材放入電飯煲，
隨米一齊煮，食材既味道就同米飯融合一齊，煮法簡單方便，味道又好！
冬天食仲好暖笠笠~~~

聖誕布朗尼(朱古力味/綠茶味) (Chocolate Brownies/ Green Tea Brownies)

仲有1個月就到聖誕節喇!!!!!
而且家姐同我最愛既姨甥仔今年會一齊返黎過聖誕~~
又可以一齊食買玩，諗起都好開心!!!

今次分享既聖誕樹Brownies，

超濃既朱古力味唔會太甜，綠茶味配果仁又超夾!!!

造型又夠晒吸引！
岩晒做Party food/ 聖誕小禮物/ 聖誕大餐甜品~~~

花少少心思加D裝飾，超有聖誕feel，
大小朋友見到實搶住要呀!!!

香橙百里香橄欖油焗雞槌 - Apollo NGF 希臘橄欖油

一到年尾，就開始多party 參加，而開party成日都要預備小食，雞翼雞槌一定有份，不過好多時都係滷水汁或者係蜜糖味!

今次就試下新口味，用橙汁  + 百里香  + 雞槌，效果係酸酸甜甜又香口，而且最後加入百里香橄欖油，真係特別香~~

葡汁焗雙蔬 (西蘭花+椰菜花)

前幾日家姐我買到好靚又新鮮既西蘭花同椰菜花，
唔想鹽水烚咁齋，所以就想到可以用葡汁芝士焗。

我重特別係葡汁入面加左黃薑粉(Turmeric Powder)，
因為黃薑含有既薑黃素對身體各部分都非常有益，
但最緊要係對腦部發展好有幫助，
小朋友多食會聰明D身體又健康D，呢樣係做媽媽最關心！

[Jamie Oliver's烹飪班] 蘑菇菠菜焗蛋 - Jamie's Ministry of Food

喜歡煮野既人都一定識來自英國既Jamie Oliver，
當年既型仔廚師，到而家變成5個小朋友既爸爸，
我仍然好欣賞佢一直推廣健康飲食既理念。

今次佢係澳洲創辦既烹飪課程 Jamie's Ministry of Food，
目的就係將烹飪成為每個人必備才能，
而且不論價錢或預算，
每個人都會食到容易做、健康又好味道既食物！

今次佢地既課程就黎到柏斯 (終於黎到喇！)，
好學既家姐我當然第一時間報名去學下野喇~

白桃烏龍蘆薈茶凍

白桃烏龍蘆薈茶凍

係日本買左盒白桃烏龍茶葉…
一路都未飲，因為屋企太多茶葉茶包XD”

另一半好中意食啫哩，就試下用茶黎整茶凍!!!!

當然成功啦!!加埋蘆薈仲好健康好味

因為冇加糖…食多2杯都唔怕!!

蕃茄香煎紅衫魚 - Serafino Zani尚尼 IHC恆溫鑊

阿妹我平時係屋企好少煮煎炸野，之前分享咁多食譜，都絕少見到有煎炸既做法，因為我好怕油煙大，煮完要洗廚房，而且煎炸野要好專心睇住，一唔小心就驚煎燶晒~

不過，點解今會分享香煎紅衫魚食譜？

雪雪雪糖水 (雪梨、雪燕、雪蓮子)

雪雪雪糖水 (雪梨、雪燕、雪蓮子)

入秋除左飲多D湯水外，都可以煲D滋潤糖水…

雪燕、雪蓮子都係近年好新興既食材，

雪燕係雪燕樹的木髓分泌，含豐富植物膠原, 有助補水保濕、潤腸通便,

雪蓮子是皂角入面的果子，其膠原蛋白含量豐富，有助保養皮膚，岩晒女仔食~

Green Monday - 紫菜豆腐湯

最近家姐我要清食物櫃，因為要騰空多D位黎緊聖誕節返香港入貨！無錯，又返黎喇！今次要跟媽咪去提早辨年貨，入多D海味！

真係一諗到可以返香港買買食食就開心喇！

今次搵到包放湯用既紫菜，又見到有一大堆冬菇蒂，所以就簡單用冬菇蒂做湯底煮個紫菜豆腐湯。

[簡易菜式]- 蒜泥白肉

阿妹我超中意食蒜泥白肉，但總覺得米線鋪既爭D爭D咁…

一於試下自己調味!!!!超正，完全係我”飛佛”!!!!

重點: 多汁多蒜~~~而且買靚既豬腩片!!!

不過食完要飲多幾杯水XDD”~

韭菜炒豬肝

豬肝，即係豬潤，佢含豐富的蛋白質、維生素A、維生素B群、鐵質等，可以補肝養血又可滋潤肌膚。

除左可以做豬潤粥、豬潤麵或者打邊爐之外，其實用黎做小炒都好好食！

如何處理龍蝦示範（劏新鮮龍蝦）附短片

食新鮮龍蝦，大多數都有2個選擇，一個係波士頓龍蝦，另一個就係澳洲龍蝦！

波士頓龍蝦就有一大對蝦鉗，蝦身就比較細。

澳洲龍蝦就無鉗既，蝦身大，啖啖肉！

白麵豉豚肉炒大蔥

唔知大家鍾唔鍾意食大蔥呢？

大蔥都有分幾種，我地通常街市買到既係中國京蔥，

而係大型超市就有日本大蔥  & 澳洲大蔥(Leek)。

日本同澳洲既大蔥就較甜，通常都會快炒或燒烤;
中國京蔥就比較辣，除左快炒，重可以夾片皮鴨(北京烤鴨)生食。