百香果QQ綠茶

我自己好喜歡百香果既野飲同蛋糕，
但台式飲品店個D百香果大部分都係香精味><”

難得行街市見到有新鮮百香果賣，即係買~

自家制既台式飲品，新解果汁，冇添加劑，冇糖精

好健康，飲多2杯都冇問題~~夏天加冰飲梗加正!!!

*青檸蜜雞翼*

嘩嘩嘩!
家姐你上次個惹味36小時燒雞翼好受歡迎呀~

我身邊朋友整過都大讚無得頂~

今次我又share過簡單得黎又有小小特別既「青檸蜜雞翼」

青檸既Fresh+ 蜜糖既甜真係好夾架!
而且青檸內含豐富維他命，
有助解胃氣幫助消化，食多兩隻都唔怕XDD”

雙色芝麻饅頭

估唔到饅頭係咁容易整，
我今次加埋芝麻粉一齊整雙色饅頭，平凡得黎又有D唔同。

阿妹你學識左自己整，以後就唔洗再幫襯包點鋪，
慳$$又健康~

自製綠茶雪糕 [拌紅豆蓉]

香港天氣開始熱，又焗又濕….係時候要食D凍野爽下!!!

當然最正係雪糕!最中意食雪糕~~~~

自家制可以控制糖既份量，冇咁甜，感覺都健康D~~

哈哈哈哈~~

南瓜蒸排骨

係澳洲，買肉類係超市或西式肉店都好容易方便。如果要中式既食法，一定要去唐人街既肉店，
先可以買到好似排骨(肉排)、豬展、有骨豬扒、
牛腩、牛展等中式肉類。

金銀花菊花蜜

因為濕疹既關係，近期都煲多左D涼野飲，其中一樣就係金銀花菊花蜜。

金銀花可以清熱解毒、清肝瀉火、疏散風熱; 而菊花亦可以消暑止渴、清肝明目，

本身金銀花有DD苦澀味，所以配合菊花，蜜糖飲就岩晒!!!!

春夏天都好適合飲架~~

台式蜜糖吐司

早一排係台灣Hit 到黎香港既蜜糖吐司….

日日都大排長龍…
阿妹我都為左佢排過一次隊等食(好彩只排左20分鐘)

材料其實非常簡單!!!!!!!仲可以挑選己喜歡既食材及醬料~~

自己係屋企整…以後唔使出街食lu~~~yeah!!!
家姐你都要試下，Matt 實鐘意~~

泰式冬蔭功雞翼

澳洲開始步入秋冬季節，天氣都變得陰陰沈沈，
搞到個人都好似無咩精神，無咩胃口。

早幾日見到雪櫃有樽冬蔭功醬，係之前買黎做湯底打邊爐，
既然無咩胃口，就一於煮個冬蔭功雞翼，刺激一下。

櫻花忌廉卷

踏入4月，又到櫻花季節…
周圍都有關於櫻花既商品…上年阿妹我就去左韓國賞櫻~~
今年冇得現場睇，唯有自制個櫻花卷…填補下心靈啦!!哈哈~

焗德國鹹豬手

每次整呢個豬手，
都好掛住同家姐妳一齊係澳洲間大草地餐廳食個一次~~
環境超舒服，藍天白雲~~
食完仲可以係大草地休息傾下計~~悠悠閒*
但出面食都唔平，其實係屋企都好易整~
焗左既豬手後少左油膩又香脆~
妳仲可以補補骨膠原呢!!

黑蒜配乳酪穀物早餐

黑蒜配乳酪，聽落好似好奇怪，但其實兩者都甜甜酸酸，係好夾架！黑蒜味道酸甜，无蒜味又具有抗氧化既功效。黑蒜咁有益健康，除左直接食，用黎用簡單早餐都唔錯架~

日式叉燒拉麵 [配半熟蛋]

講起拉麵，仲記得當年香港開味X拉面個陣，我地都一齊湊熱鬧去食過。當時做學生仲覺得好威威…日本叉燒拉麵，貴野!! 諗起都好好笑~

忌廉蘑菇汁[配牛扒]

係屋企煎扒，雖然話新鮮既扒只要加鹽同黑胡椒都已經夠好味，但有時候會覺得如果可以有配汁一齊食味道會豐富好多~

以前我地細個食鐵板扒餐，多數都係配黑椒汁或者洋蔥汁，但黎左外國生活之後，發現配扒類其實重有好多唔同既汁可以選擇。

番茄牛尾湯

家姐~~你知唔知我未嫁之前係幾咁恨飲牛尾湯~

因為媽咪唔食牛，所以屋企唔會有牛食…

但出街飲牛尾湯/ 羅宋湯成日都會覺得唔夠濃，唔夠味道

終於嫁左，自己可以係屋企煲!!!
落足料，煲一大煲分2日飲或者加意粉當一餐!!正呀~

*綠茶紅豆白玉芝士蛋糕*

 阿妹我好中意去食甜品，其中一個配搭...
就係綠茶雪糕加紅豆蓉再拌白玉...
今次就將我中意既甜品crossover我又好中意既芝士蛋糕...
估唔到成品好正~~大愛!!!!

[原汁原味] 鹽焗大蝦

自從學識左鹽板煎牛扒之後，發現鹽既傳熱同保溫能力咁好，
我就諗下有咩可以用鹽整，除左鹽焗雞，
其實鹽焗蝦都可以，而且蝦細隻又易熟，好快食得!! 

因為鹽焗無油份又無水份，又唔洗炒炒反反，
所以蝦既原汁原味都會完整咁保留，睇下呢張相，
蝦殼入面見到有好多蝦汁，食落真係特別鮮味!! 

材料：

蝦                10-14隻

粗鹽/海鹽   一包（約500g）

香茅           1/3枝(可省略)

黑椒粒         少許(可省略)

燒酒              少許

做法：

1. 香茅切碎，蝦先沖洗，挑腸用廚房紙索乾備用

2. 將鹽平鋪在平底鑊，約1cm厚，中火預熱5分鐘

3. 之後加入黑椒粒同香碎，輕輕炒均

4. 將蝦鋪上鹽上，加燒酒，蓋上鍋蓋焗4-8分鐘，
 （視乎蝦既大小）

5. 見到蝦熟轉色，就可以將蝦夾上碟擺盤。

姊姊心得：

*加熱左既鹽係非常非常熱，所以不建議原煲上，
 同埋原煲上桌，鹽既熱力會令蝦過熟

*一定要用木或竹既隔熱墊，如果唔係就會

*用完既鹽可以重複用2-3次

*想知鹽是否夠熱，灑幾點水，如水份即刻蒸發就表示夠熱

冬菇支竹炆排骨(蝦米辣椒醬版)

呢個餸第一次食係在朋友屋企…
另一半食到勁滋味，重好唔客氣地咁添飯!!!

朋友推介呢味餸既靈魂，就係"蝦米辣椒醬"!!!

好野當然齊齊happy share~

[清熱去濕之選] 薏米綠豆沙

最近天氣超級潮濕，濕度高100%，家中抽濕機差唔多長開…
個人濕濕重重…好累咁，連老友”濕疹”都搵上門…
所以即刻煲返個清熱去濕糖水飲下~~

綠豆味甘、性寒，無毒，入心胃兩經，具有清熱消暑，
利尿消腫，潤喉止渴及明目降壓的功效;
薏米可以去水腫，美白，仲利水、健脾、清熱排毒的功效，
更可以改善胃腸消化、便秘。

材料:
綠豆        4兩(約150g)
生薏米     2兩(約80g)

海帶         適量

冰糖         適量

果皮         1塊

水           約6碗

做法:
1. 綠豆、薏米洗淨，先浸1小時

2. 果皮浸軟，刮囊; 海帶浸發切條

3. 綠豆、薏米及果皮，隨水煲滾

4. 滾透後，加入海帶，細火煲45分鐘

5. 加入冰糖，再煮15分鐘

6. 熄火不要開蓋焗最少1小時

7. 食得啦!!

妹妹心得:
*用真空煲都可以，係Step 4加海帶及糖後，煲滾5分鐘，
 即可放入真空煲內燜焗3小時

*中途如發現唔夠水，可適量加入熟水

*雪凍會更加好味

芝士煙肉焗薯批

上星期有一晚，你姐夫好夜先收工，準備煮個宵夜俾佢，但煮麵炒飯好似無咩新意，見屋企有幾隻薯仔，就整左呢個焗薯批，雖然宵夜比較肥膩，但真係好食到停唔到口。

台式香菇肉燥

岩岩去完台灣返黎，仲好掛住D台灣小食…

又買左支台灣醬油膏，當然要煮煮佢啦~~

真係勁好味，另一半食左2大碗飯呀~~

而且今次用真空煲煮，慳時又慳火!!