紅豆紫米露

自從懷孕後，好多野都要戒口，
凍既生冷既通通唔食得…甜既又可以食太多~

女仔最中意既飯後甜品，梗加得個恨字….

其實適量甜品都可以食既，但中式糖水比較適合，紅豆沙，芝麻糊，合桃露都OK~~
今次分享既紅豆紫米露梗加有益!!
自己煲可以控制甜度，食多少少都唔怕啦!!
而且用真空煲煲，快靚正又方便!

紅豆益氣補血, 有助去濕消腫利尿。
紫米有滋陰補腎，健脾暖肝, 而且含有豐富既蛋白質&鐵質、非常補血。可
以幫助促進血液循環的特性，有「坐月子米、補血米」的稱號!

材料: (約8碗份量)

紅豆          300g (半斤)

黑糯米(紫米)   150g

陳皮           2塊

冰糖          150g (少甜版)

水             約2.5L

做法:

1.     紅豆沖洗，預先浸泡5-6小時; 黑糯米沖洗，浸泡1小時, 水倒去

2.     陳皮浸軟刮囊，隨水煲至大滾

3.     水滾後，下紅豆及黑糯米，不要蓋上蓋，一直用大火攪拌直至再大滾

4.     大滾後，蓋上蓋熄火，放入真空煲內燜焗5-6小時

5.     5-6小時後，真空煲內取出，再開蓋用中大火滾起，下冰糖

6.     冰糖融化後，中火煲15分鐘即可，期間需攪拌

孕媽媽食到碗糖水已經好滿足啦!!