2017年12月15日 星期五

韓式柚子蜜炸雞





韓式炸雞真係好好食,味道變化有好多種,
有辣味、芝士味、蜜糖醬油、蒜香........
今次試韓式柚子蜜味,
開始時怕會太甜,但原來只要加少少鹽平衡返,
就做到帶柚子甜味既炸雞,重會食唔停口,非常滋味~


2017年12月6日 星期三

2017年11月26日 星期日

鮮百合蓮子雪耳糖水


去到11月尾,終於有冬天既感覺~
天氣凍凍地,心思思要食下糖水,冷暖下滋潤下

鮮百合有潤肺清心之效,可止咳、開胃、安神,有助增強體質。
雪耳就充滿膠質,可以滋潤肌膚,全家都好啱食~~

2017年11月16日 星期四

粟米斑塊






粟米斑塊係一道簡單既家常菜,久不久另一半就會想我整俾佢食,平時多數用急凍魚柳,今次豪少少買左新鮮既龍躉腩去煮!!魚肉厚炸出黎超好味! 仲用左刀嘜新出既「金裝橄欖花生油」,佢含有豐富單元不飽和脂肪酸,而且煙點高,用黎高溫炸就非常適合!!


2017年11月8日 星期三

[孕婦食譜] 藍莓奇亞籽麥片乳酪杯




懷孕後過左3個月踏入穩定期後,就開始食多左乳酪!!
夏天唔食得雪糕,食乳酪都可以滿足下。
乳酪含有豐富既乳酸菌&益生菌,而奇亞籽就有豐富既膳食纖維,蛋白質&維他命B,促進腸胃功能,又可增加飽肚感。
準媽媽最好揀低糖既純乳酪(我就中意食希臘乳酪)。而且買細杯裝,每次一杯確保衛生。


2017年10月29日 星期日

老陳皮冰糖燉檸檬




最近熱捧既陳皮冰糖燉檸檬,趁仲有D時間都試下整先!!
而家入秋特別乾燥,喉嚨又易痕孕媽媽要保重身體預防下~!!
陳皮冰糖燉檸檬大肚都可以飲架自家制安全有益又無添加。
而且我用左麻麻珍藏超過40年以上既老陳皮一齊燉
超香醇,飲落甘甘地好舒服
今次搵唔到電視介紹既西西里檸檬,用左馬莎既無蠟檸檬!
Size都偏大個,而且好香同埋比較少核。

冰糖燉檸檬係傳統養生食品,有清熱下火、化痰功效。
可以止咳祛痰、潤喉、預防咽喉炎、
慢性支氣管炎、對感冒後喉嚨癢有顯著改善作用。
而加入左陳皮的冰糖燉檸檬,味道回甘及帶沉實的陳香,
療效較佳,能冶久咳及化痰。

2017年10月25日 星期三

[孕婦食譜] 鮮奶南棗燉黃耳



黃耳有平價花膠之稱,黃耳含有蛋白質、脂肪、碳水化合物、維生素、膠質等營養成分,
又可以抗衰老,降血脂,降胆固醇,
係一樣好有保健食療價值既食品
!
孕婦都好岩食架
~~
加埋鮮奶一齊燉,超有營養又滑lulu~~


2017年10月17日 星期二

2017年10月15日 星期日

[孕婦湯水] 蕃茄豆腐紅衫魚湯




大肚時經常飲呢個湯,因為魚湯鮮甜有益又有營養~~
含豐富鈣質,豆腐有蛋白質。
而且加蕃茄一齊煲,蕃茄既酸性更有助魚既鈣質溶於湯中!!
街市好多時有一份份既細條紅衫魚賣(好似今次5條只需$25)
好平而且比煲肉更好~~
我煲湯時會將紅衫魚壓爛,更易出味!所以一定要隔渣呢~~

2017年10月9日 星期一

蒜蓉牛油炒雜菇


Green Monday 簡單D,屋企有一堆雜菇食唔晒,
就一於煮個簡單快手又好味既炒雜菇

材料:
秀珍菇 (或不同雜菇)   150g
蒜蓉  1茶匙
牛油   10g


1. 落1茶匙油,將蒜蓉爆香


2. 加入雜菇


3. 加一茶匙鹽和少許黑胡椒粉,拌勻再贊酒,炒至8成熟

4. 再加入一片牛油(10-20g) 炒至菇熟



5. 完成

姊姊心得
*菇本身帶有一點泥土味,贊少許米酒或白酒可以去除泥土味,令更加。
*最好加入牛油,令上碟時牛油味更濃,
如果一開始用牛油起鑊炒,牛油會變得焦黃色,令
菇既賣相會比較黑。

2017年9月19日 星期二

焗豬扒飯


港式蕃茄焗豬排飯真係同叉燒飯一樣,幾時食都覺得好好味。
今次呢個係新手簡單版,|
用左罐頭蕃茄,味道比新鮮蕃茄易手易控制,
因為新鮮蕃茄甜酸度不一,新手入廚的話一般比較難調味。
今次呢個焗豬排飯非常滿意,一家三口話咁快就清晒!



2017年9月10日 星期日

橙皮甜麵醬炆五花腩




睇左阿爺廚房後,第一個跟阿爺煮既餸!!!
加左橙皮一齊煮既五花腩,冇晒肥膩感~~
好fresh!!好好送飯呢~~


2017年9月3日 星期日

滋潤蘋果水



天氣熱,唔想飲熱辣辣既湯,但又想飲D湯水潤下。
一於就簡單煲個蘋果水,又潤又有益,
可以熱飲或雪凍再飲又得,一家大小都啱!

2017年8月27日 星期日

士多啤梨沙冰特飲 Strawberry Smoothies


天氣熱辣辣,都係情願留係屋企嘆冷氣
如果有埋❄冰凍透心涼❄既飲品就最好~

今次呢個沙冰(smoothie),
只要3種材料,3分鐘就整好飲得,
真係非常方便,隨時想飲都可以!

2017年8月21日 星期一

芝士豆腐黑松露焗釀大蘑菇


屋企個個都無肉不歡,
但其實只要花D心思,
素菜都可以做到有肉食既口感。

今次呢個焗釀大蘑菇,
加左黑松露醬、豆腐同芝士,
配合厚大蘑菇既口感,
非常好食,而且營養豐富~
一開飯之後,家中各人即刻掃晒~
下次真係要整多D~

2017年8月14日 星期一

2017年8月8日 星期二

薯仔炆雞翼





薯仔炆雞翼,係我第一個跟媽咪學既餸。
簡單既材料,簡易既煮法,
咁多年黎仍然都係最受歡迎既屋企餸~~

今次唔記得加洋蔥,
但依舊一樣咁好味~~~




2017年7月31日 星期一

台式滷肉飯





最近天氣熱到不得了,完全無心情入廚房,
但熱辣辣又唔想出街食
所以就要諗下有咩可以煮一大煲,有營養好味又可以食幾餐~~

最後諗到台灣既滷肉飯,
既可以配飯配麵,加埋烚蛋做滷蛋,
大人小朋友都會鐘意,
加碟菜,簡單好味又一餐~~~

2017年7月27日 星期四

紅菜頭忌廉濃湯 - Konstar食物料理器




紅菜頭係近年流行既superfood!!
紅菜頭含豐富的礦物質和多種不同的胡蘿蔔素,纖維又高。
而且紅菜頭獨有的甜菜鹼,有助保持肝臟機能健康,
更指有效於防癌、抗衰老,及延緩老化既最佳食物。


2017年7月13日 星期四

[自製蔥油] 香煎蔥油豬扒



自從家姐我識自己整蔥油之後,就不停想煮多D可以用到蔥油既菜式。

前曰已煮左個蔥油撈蝦子麵,雖然簡單,不過加左蔥油之後,真係香到不得了,食唔停口!

今日去買餸,見到梅頭豬肉新鮮又靚,所以就決定煮個「蔥油豬扒」。
梅頭豬扒,肥瘦適中又啖啖肉,老公同仔仔都非常鐘意。

2017年7月10日 星期一

Green Monday- 青醬松子本菇炒意粉



Green Monday要食Green D~~
今次分享一個簡單易整既青醬意粉~~
超市都會有一樽樽既青醬買,但其實自己動手整都好容易!!
而且會梗加新鮮,仲可跟據自己既口味略略調節!!
 


2017年7月5日 星期三

焦糖香蕉合桃磅蛋糕





好耐冇焗野啦!!今次簡單焗左磅蛋糕~~
其實磅蛋糕超易整,配上唔同材料就可以勁多變化!!
岩岩屋企有熟透既banana~~岩晒!!

2017年7月3日 星期一

自製蔥油

蔥油做法簡單,非常容易配搭不同菜色,
蔥油雞扒、蔥油豬扒、蔥油拌麵....
或簡單炒飯加上少少蔥油,味道即刻提升很多~~

每次整一樽,可以用上一段時間,非常方便。




2017年6月28日 星期三

[10分鐘料理] -- 啤酒蝦




10分鐘料理!!!
天氣熱,唔想食肉,又唔想留係廚房咁耐,
所以就快快手煮一個賣相好,又好味既新意既餸

啤酒蝦係一個唔錯既選擇!!!
煮完後已經冇晒酒味,但又有少少麥香,

食落清爽又唔油膩,
加左辣椒仔少少辣,更加吸引!!


2017年6月21日 星期三

干煸四季豆





干煸四季豆好多時去上海菜館或川菜都食到
但好多時都係得一小碟,次次都食唔夠….
今次自己係屋企煮,食得好滿足呢

最重要係有蝦米辣椒醬既調味,香辣辣,非常開胃~


2017年6月15日 星期四

叉燒炒蛋


自從自己整叉燒 <<食譜在此>>之後,家姐我已經無再買街外既,
因為比較衛生,而且自己買靚既梅頭,新鮮出爐既叉燒,
肥瘦適中,真係比澳洲燒味店賣既好味好多~~

2017年6月9日 星期五

炸日式芝麻雞翼






雞翼真係有好多唔同煮法,行$12蚊店見到有包類似名古屋手羽先汁!!

一於試下整先,加埋已炒香既芝麻,真係好食到停唔到口~~

今次用左丹麥Danpo雞翼,呢種雞翼無激素,無打針,食得安心又放心!



2017年6月4日 星期日

蕃茄炆豬軟骨



呢期天氣好悶熱又潮濕….個人都冇咩mood…
最岩整D酸酸甜甜既餸菜開下胃!!
豬軟骨平時多數用日式醬汁/麵豉醬炆~
今次用蕃茄炆,好好味道~~而且超好送飯
另一半食左兩大碗呢~~

2017年5月30日 星期二

秋葵牛肉卷




上次煮日式牛肉飯,重有少量牛肉片淨左,一於將佢變身做個秋葵卷,加個照燒汁,又一個好味有益既餸菜!


2017年5月19日 星期五

日式牛肉飯(吉野家式多汁減糖板)


係澳洲好難搵到吉野家式既日式牛肉飯,
所以都係自己整最好,隨時食都得。
其實日式牛肉飯好易整,而且材料好易買到,
15分鐘就食得,要多汁、特盛或多肉少飯都可以任君選擇~~


有時間的話,配埋流心蛋就更加好味~~

示範短片--->>

2017年5月15日 星期一