2018年11月6日 星期二

惹味黑椒雞翼







雞翼係我家熱門菜式,簡單易整快靚正~~呵呵
之前買左樽黑椒醬,用黎醃雞翼再焗~~
小小辣好惹味呢!!



材料:
雞翼   1
     半茶匙
     1.5茶匙
醬油   1湯匙
味醂    2湯匙
胡椒粉  少許
黑椒醬  3湯匙

1.     雞翼解凍後,抹乾水,先用醃料醃最少4小時
2.     焗爐170C預熱,雞翼先反轉鋪網架焗15分鐘
3.     之後再反轉雞翼,再焗10分鐘

*如果怕黑椒醬太辣,可以加多少少糖去醃中和返~

2018年10月28日 星期日

滑滑豉油雞




豉油雞唔難煮,最係個豉油汁,同埋一定要用浸雞法,咁就會做到滑滑豉油雞~~

2018年10月23日 星期二

蘋果雪梨三棗茶










呢期天氣好乾燥,要煲返D潤野飲下先~~
蘋果雪梨好潤,加埋三棗好好飲tim ar~
因為材料本身帶甜,所以無需額外加糖,
俾孖B飲佢地都好中意呢!!

三棗係紅棗、南棗、蜜棗
紅棗南棗補、補氣養顏,而蜜棗清心潤肺

2018年10月11日 星期四

花旗參石斛燉湯









花旗補氣、提神、生津止渴;
石斛
滋陰清熱明目、養胃生津。
好岩我地
湊小朋友成日捱夜唔夠訓,或者工作壓力大既繁忙人飲架!!
材料簡單,湯味仲好濃郁。

另一半放工夜返,回家有啖湯飲真係暖在心頭呢!


2018年10月8日 星期一

藥膳雞腳



係酒樓成日點既1個小食,但其實自己整都唔難
而且我唔太敢飲酒樓個啖湯,好油好肥咁….
自己整食得安心又放心,啖湯仲好好飲呢~~
入秋係時候補補啦!!!!


2018年10月3日 星期三

對自己好一點- 金寶蟲草皇即食燕窩

女人,幾時都要愛惜自己!!錫自己!!

做左媽咪後,
萬大事都以BB👶🏻為先,又夜訓…
身體皮膚狀態都同以前唔同晒
要食D好野幫自己補補~hahaa~

燕窩潤肺滋陰養胃,
仲可以美白皮膚,
補充氨基酸原,
令皮膚保持水分及彈性,
同時抗衰老,岩晒我地食呢~

不過返工照顧BB勁忙,
都冇咩時間可以燉燕窩食。
所以市面上就有唔同既即食燕窩選擇!!

今次就試食左金寶蟲草皇的即食燕窩!!

睇落細細樽,但真材實料…用料好足!!
入口啖啖燕窩口感豐富!!
絕對冇「水多過料」既感覺!!!!
甜度岩岩好,好清甜,勁岩口味呢~


手工制即食燕窩,用上原盞馬來西亞燕窩,
加冰糖紅棗每日新鮮燉製,絕無其他添加。
有興趣既朋友都可以去佢地fb睇下!!
金寶蟲草皇




2018年9月28日 星期五

南棗花膠燉鮮奶










懷孕到後期,間唔中都會食下花膠養胎,花膠含有豐富膠質及蛋白質,
就算唔係懷孕,都可以食花膠養顏滋潤下,特別秋冬季,
今次我用左南棗代替紅棗,同樣補血補氣,但南棗冇咁燥~


2018年7月27日 星期五

明太子忌廉全麥意粉 [孕媽媽都可以食喔!]





懷孕時好多野食都要戒口~

如果有妊娠糖尿既話,白飯/麵包類高升糖(GI)既食物梗加要忍一忍,
所以懷孕期好多時主食都會用低升糖既意粉代替!
 



大肚可以食明太子咩?
明太子係以鱈魚卵加工並以「鹽」醃製而成的味道較鹹,
而且係生既。所以孕媽媽想食一定要煮熟呢
~~
只要係來源乾淨,煮熟就冇問題,
今次
pack明太子係一田買既~~
而且用左全麥意粉,梗加健康有益!


2018年7月15日 星期日

早餐一齊Cheer啦!

 

你今日食左早餐未呀?
 一齊Cheer!

早餐係支撐我地一日活動既精力來源,
好多時大家都會忽略左早餐,但對於岩岩訓醒既大腦、
其他身體部位所需要能量就會唔足夠。
所以食早餐係可以提高學習能力與工作效率
!

呀妹我由大肚開始,就係屋企食早餐先出門返工!
到生完bbs後都一直keep!
屋企食可以輕鬆D,又可以望bbs多一陣haha


今次就同大家介紹一個又健康又簡單方便既早餐!
一包穀物,一杯鮮奶簡易配搭就係個營養早餐~

2018年7月3日 星期二

南乳骨




本身買豬軟骨打算炆,但急凍鋪果阿姐幫我切左粒粒=.=”
一炆埋就冇咩食,所以就醃左拎去焗!!
做下小食一樣咁好味~ 


2018年6月28日 星期四

日月魚蟲草花煲節瓜雪耳湯



     去完旅行返到屋企,就最想飲湯~~
 呢款湯滋陰補腎嘅又健脾開胃,仲好甜~~
飲啖家常湯,真係好舒服而家湊B好忙,少左入廚
但煲啖湯俾家人飲感覺真好。