花蟹海鮮粥

最近天氣忽冷忽熱~~冇咩心情想煮飯(明明就係懶)

咁岩行荃灣，楊屋道街市最出名賣海鮮平靚正!!!就整返個海鮮粥~

今次用真空煲煮，仲好方便添!

鹽漬櫻花曲奇

踏入初春，又到櫻花季節啦!!

LC，星巴克，家品店都狂推櫻花產品…勁心動~~

之前家姐係日本買左鹽漬櫻花俾我~~

上年整左櫻花忌廉卷 ，今年就試下櫻花曲奇啦!!美美的~

短片示範:

 

檸檬蜜糖磅蛋糕

其實我都幾中意食pound cake，中意佢果個質地，

加入之前日本買既瀨戶內海既檸蜜!!好清新呀~

簡簡單單做早餐/下午茶，配搭杯紅茶就prefect喇!!

榨菜肉碎蒸豆腐

有時做煮婦，真係需要一點小創意，同一點小聰明，

巧妙咁運用手上既材料，煮出好味又賣相得體既餸菜~

今次呢個「榨菜肉碎蒸豆腐」，

就是因為雪櫃只有豬扒同豆腐，

準備好煮蔥油豬扒，但搵黎搵去都搵唔到屋企有其他材料配豆腐.....

所以就臨時將其中一塊豬扒變成肉碎，

加上榨菜一齊蒸豆腐，

賣相靚靚，又有營養，煮婦既小智慧又一次成功！

大阪燒

早幾日行超市，另一半拎起包大阪燒粉叫我整佢食…

難得佢有要求，我地就一齊回味下日本既大阪燒啦!!!

大阪燒主要材料椰菜外，其他都可揀自己中意既配料!!

係屋企都食到日本風味呢~~

［人氣麵包］鹽可頌

第一次食鹽可頌係日本時，味道覺得驚為天人!!!

簡單材料，鹽同牛油~~~
點解可以咁好味架!!!!

終於係屋企試整左，今次係參考左師兄烘焙教室既份量去做^^

 一出爐即秒殺，真係好好味!!!

魚翅瓜雪耳煲西施骨湯

最近天氣好反覆….

行街市個陣打算簡單煲青紅蘿蔔~~

點知阿姨介紹我煲魚翅瓜，一樣咁清潤!

而且食落口感一絲絲，爽口清甜

短片示範: 

韓式炒粉絲

正式既韓式炒粉絲，就係將每樣材料各自炒好，最後撈勻食。

但簡易版就少D功夫，一齊炒，再加上韓式牛骨汁調味!!!

有菜有肉有蛋有粉絲，食一味就飽飽~

意大利蛋白杏仁脆餅

呢個脆餅意大利人叫Amaretti，係用蛋白、杏仁粉同糖簡單三重材料做成既小茶餅。

佢係外層脆口，內裡軟身有趙頭既餅乾，但有人都會將佢焗到內外都同樣脆口既。

而且佢無奶、無牛油、無麵粉，
對牛奶或麩質(gluten) 敏感人士都可以放心食~~

[家常小菜] 白豆角炒五花腩

今日行街市見到白豆角好平，
加埋雞脾菇炒五花腩，

簡單有肉又有菜~

加埋甘荀，顏色豐富又有益！

陳皮紅豆沙

呢期天氣凍冰冰，
真係要食返碗暖笠笠既紅豆沙暖下~

配上幾十年既陳皮，真係超香

紅豆屬高蛋白質、低脂肪的高營養榖類食品，
而且含有豐富的鐵質，可以補血、促進血液循環、增強抵抗力。

綿綿既紅豆沙其實唔難煲，但要花心機時間去慢慢攪拌至起沙~

所以唔好睇少碗紅豆沙，啖啖都係心機呢~

 短片示範:  

泰式炒金邊粉- PHAD THAI

家姐我仍然享受緊澳洲既夏天，

所以每日既晚餐都會想煮D簡單快捷既，因為唔想係廚房留太耐，實在太熱～～

之前係香港買左一堆新食材，今晚就試下10分鐘煮好既藍象—泰式炒金邊粉。

我睇左盒上說明之後，我自己改左少少做法（例如將金邊粉過冷河、加入額外既蝦），所以大約20分鐘先煮好，但仍然好快煮好食得。

味道同餐廳食既幾乎一樣咁好，個人覺得非常抵食！而且10-20分鐘可以煮到靚靚上枱，絕對係快煮既新主意、新手入廚既新「殺手鐧」！

新鮮班蘭杯子蛋糕 (簡易版)

買左D新鮮班蘭葉，除左戚風蛋糕外，
就試下整呢個超簡單既杯子蛋糕，方便同朋友一齊happy share~~
用新鮮班蘭葉打汁隔渣，再等佢沈澱一陣，精華汁係晒底~
焗出黎既蛋糕真係特別香...

泰式牛肉沙律

家姐我放完假返到黎熱辣辣澳洲，

一時間都有D唔習慣，天氣太熱~~

連廚房都唔想入，但又唔可以唔煮飯架嘛，

所以就整多D涼爽既餸菜，今次就整「泰式牛肉沙律」, 

酸酸地好味又開胃，而且有靚牛肉，老公就唔會話太齋喇~~

酥皮三文魚芝士批

情人節除左心型牛扒，

其實心心酥皮三文魚芝士批都一樣咁SWEET~

今次呢個三文魚批，可以早一晚整定放雪櫃，

到時候再掃上蛋汁去焗，

咁就有更多時間打扮靚靚，

享受浪漫既晚餐~~

❤ 紅桑子意大利奶凍 ❤ Raspberry Panna Cotta ❤

情人節煮燭光晚餐，當然唔少得一道甜品畫上完美既句號啦!

就算新手都可以簡簡單單整個甜品俾另一半，一齊sweet sweet~~

今次分享既Raspberry Panna Cotta做法好簡單，整俾另一半實會甜入心!

香煎慢煮鴨胸 [伴黑醋汁沙律]

鴨胸好多時都會食煙鴨胸/焗鴨胸

今次用慢煮去整鴨胸，肉質好淋滑，

而且肉汁豐富！

慢煮後再煎香外皮，又香又脆，
..

而且預早切成格仔紋，煎香後賣相更吸引~

黎緊既情人節大餐，大家可以試下整呢~
  

胎菊馬蹄糕

新年假勁快就過左啦!!!(仲未調節好返工mode)

今年整左好多糕，但阿妹其實最中意食係馬蹄糕!!!

但曾經試整過幾次都唔太合意。今年見到大少奶個食譜超簡單~

就試下啦!!估唔到好掂呀~~係我中意既質感，夠晒爽甜!!

再跟據自己既口味，調整一下，加左可以清熱解毒，平肝明目既胎菊!!
新年食咁多熱氣野~~食返件清熱糕點就岩晒!

蟲草花素湯

新年食左好多糕，熱氣野，零食，想清下腸胃，
就煲左蟲草花粟米百合素湯，

好甜又好潤，飲落去喉嚨舒服晒…

賀年-老少平安

就黎新年，要煮團年飯開年飯....好忙呢~

新年食飯好多時都會要意頭野，生菜生財，髮菜蠔豉發財好市

當然最重要係老少平安啦!!哈哈~

除左豆腐魚肉外，賀年版仲加左蟹肉，更有體面~

粟米海皇羹

我家賀年大熱菜式，簡單又好味!!!

金黃粟米加上海鮮配搭，金銀滿屋，盆滿缽滿!!

新手都冇難度~~~

賀年菜式--- 「撈起魚生」+ 薄脆片做法

新年係香港好熱鬧!!!!
家姐澳洲呢邊就冇咁多節日氣氛啦~

不過我地自己一家同D朋友都會聚埋一齊賀年!!

當然唔少得賀年菜啦!!!

家姐我一定會整既就係「撈起」。

祈望新一年大家都撈到風生水起~~ 

台北大稻埕- 雜貨竹器食具推介

今次去台灣快閃，打算食食食!!

點知上機前係機場打書釘，發現左台北大稻埕呢個地方!!!

有賣雜貨食器，竹器木具鑄鐵都有!!!超吸引~~
所以決定去八下…位於廸化街一段，
goggle map由台北車站行去約25分鐘，
但因為去個朝落雨…我地決定搭的士去，
由新光三越上車去到都係TWD80，勁平又快!!

*桂花杞子雪燕糕*

屋企人好中意食桂花糕，淡淡既桂花香...晶瑩剔透，
今次仲特別加入大熱既雪燕...
杞子養肝明目，雪燕滋陰養顏!
新年當然都唔少的得佢啦!

班蘭椰汁年糕 & 黑糖薑汁年糕

今年好努力整糕~~哈哈

班蘭年糕既食譜係跟May 姐既(冇落雞汁架hahaha)，

跟住再加少少變化，做埋黑糖薑汁!!

味道好好，用新鮮班蘭汁整勁香…

蒸熟熱食煙韌軟糯，又唔痴牙!!正~

臘味芋頭糕

以前我阿妹我唔係太鐘意食芋頭糕....
比較鐘意食年糕hahaha~
但而家人大左，口味都改變，開始識欣賞芋頭糕!!!
所以都研究下點整先，上網睇左好多食譜，
左試右試，試到個岩自己口味既~
少油不膩，蒸熟時好軟熟，雪凍後翻熱煎香外脆內軟有芋香!正
不過做芋頭糕最重要梗係揀個靚芋頭，咁已經成功左一半啦!!哈哈

短片示範: https://www.youtube.com/watch?v=SXWKyE4gizM&feature=youtu.be

慢煮滑滑豉油雞翼

今次試整慢煮豉油雞翼，其實慢煮真係超方便!!!

整好晒放入去，唔使睇火唔使理，夠鐘就食得!!!

好慳水慳力!!XDD”

而且經過慢煮既雞翼真係超滑，完全入晒味!!連軟骨都食到~~讚!

生日慶祝- 焱丸水產

12月，除左有我最中意既聖誕節外!!! 

當然係阿妹我既生日月啦!!!

呵呵呵呵~~~

今次真係要紀錄低朋友帶我去食既呢餐生日飯~~

因為真係好正，勁開心超滿足!

「焱丸水產」海鮮浜燒~
當然係食日本風味既海鮮BBQ!

星期五晚book左8:30，記得一定要book台，因為好爆下!!

我地到左都要等差唔多20分鐘先可以入座…

「點心海鮮扎」

飲茶雞扎就食得多，其實自己都可以係屋企扎架！

材料揀自己喜歡，今次我地整左海鮮扎！

一人一件好方便！

而且今次係大埔買左樹記腐竹，真係好掂！