台北大稻埕- 雜貨竹器食具推介

今次去台灣快閃，打算食食食!!

點知上機前係機場打書釘，發現左台北大稻埕呢個地方!!!

有賣雜貨食器，竹器木具鑄鐵都有!!!超吸引~~
所以決定去八下…位於廸化街一段，
goggle map由台北車站行去約25分鐘，
但因為去個朝落雨…我地決定搭的士去，
由新光三越上車去到都係TWD80，勁平又快!!

先去食上網好多人介紹既旗魚米粉做早餐，TWD35@，好濃魚湯味...正!

臨近新年，成條街頭半段都係賣年貨，好多試食好熱鬧呀!我地都買左D~~

後半段就係重點啦!!

主要係有4間鋪賣竹器食具，有D似香港上海街咁~

大部分都係made in Taiwan!!!!!

我地今次主要係高建桶店買，佢最多款(望落超多)，同埋價錢平!!
阿姨話佢地係做批發所以好平架~~~

門口掛左好多野餐籃，超靚!!可惜好少野餐~~

 唔同形狀既木/竹盤..

 砧板/ pizza板

 完全花多眼亂呢~

 可以自家制豆腐XDD"

勁多唔同款，琳瑯滿目，花多眼亂~樣樣都想買…

最後買左呢D~~已經好忍手呢…真係好抵買呀~~

另外我地之前係市政府行統一百貨，有Afternoon tea耶!!!!

家姐我係日本都冇時間行，好開心係台灣有得行~~

咁岩個日全場都有9折…有少少收穫!:)