2016年1月14日 星期四

簡易肉骨茶

上星期一次過買左一大包豬肋骨同豬軟骨,
所以除左整醬燒骨之外,我最鐘意煮「肉骨茶」!
呢個肉骨茶可以買湯包返屋企煮,好方便。


我地就比較鐘意胡椒味重D,
但都有另外一種藥材味比較重既。
而且每次飲完個湯,身體都好會暖暖的,特別好訓~


平時我地都買A1或者星花牌,
但上年去新加坡食完「松發」之後就即刻愛上,
食完重即場買佢地自家既湯包返屋企煮。


肉骨茶煮法都大同小異,今次就簡單分享一下做法!

材料:
豬肋骨/豬軟骨     1.5kg
蒜頭(完整)       2-3 個
肉骨茶湯包           1 包
水                          1.7L

調味料:
老抽      2-3湯匙
鹽         0.5-1茶匙


做法:
1. 豬骨沖洗後出水備用
2. 準備一個煲,煲水,水滾後放入湯包、豬骨同蒜頭


3.  煲滾之後,轉細火煮1 - 1.5 小時。
4.  煮好之後,落老抽同鹽調味,食得



5.  食既時間配白飯、油炸鬼同點辣椒豉油

姊姊心得:
*如果要返工無咩時間當日準備,
 可以提前一日煮,第二日食之前再煮滾就食得。

*可以既一定要配油炸鬼,又香又脆又暖。
*如果有真空煲,用黎煮豬軟骨肉骨茶最正




沒有留言:

張貼留言