韓式柚子蜜炸雞

韓式炸雞真係好好食，味道變化有好多種，
有辣味、芝士味、蜜糖醬油、蒜香........
今次試韓式柚子蜜味，
開始時怕會太甜，但原來只要加少少鹽平衡返，
就做到帶柚子甜味既炸雞，重會食唔停口，非常滋味~

馬蹄肉餅蒸釀冬菇

肉餅食得多有時都悶悶地，今次花少少心思，釀落冬菇..

好睇又好味!!仲好有新鮮感~~

鮮百合蓮子雪耳糖水

去到11月尾，終於有冬天既感覺～
天氣凍凍地，心思思要食下糖水，冷暖下滋潤下…

鮮百合有潤肺清心之效，可止咳、開胃、安神，有助增強體質。

雪耳就充滿膠質，可以滋潤肌膚，全家都好啱食～～

粟米斑塊

粟米斑塊係一道簡單既家常菜，久不久另一半就會想我整俾佢食，平時多數用急凍魚柳，今次豪少少買左新鮮既龍躉腩去煮!!魚肉厚炸出黎超好味! 仲用左刀嘜新出既「金裝橄欖花生油」，佢含有豐富單元不飽和脂肪酸，而且煙點高，用黎高溫炸就非常適合!!

照燒雞脾菇

Green Monday其實都好多選擇!!!!
今次呢個10分鐘料理~
簡單又好味!!!

[孕婦食譜] 藍莓奇亞籽麥片乳酪杯

懷孕後過左3個月踏入穩定期後，就開始食多左乳酪!!
夏天唔食得雪糕，食乳酪都可以滿足下。
乳酪含有豐富既乳酸菌&益生菌，而奇亞籽就有豐富既膳食纖維，蛋白質&維他命B，促進腸胃功能，又可增加飽肚感。

準媽媽最好揀低糖既純乳酪(我就中意食希臘乳酪)。而且買細杯裝，每次一杯確保衛生。

豉汁蒸魚雲

 簡簡單單既家常菜~~

 呢個豉汁真係好惹味~~
淨係用豉汁都可以送飯~~haha

老陳皮冰糖燉檸檬

最近熱捧既陳皮冰糖燉檸檬，趁仲有D時間都試下整先!!
而家入秋特別乾燥，喉嚨又易痕…孕媽媽要保重身體預防下~!!
陳皮冰糖燉檸檬大肚都可以飲架…自家制安全有益又無添加。

而且我用左麻麻珍藏超過40年以上既老陳皮一齊燉…

超香醇，飲落甘甘地好舒服…

今次搵唔到電視介紹既西西里檸檬，用左馬莎既無蠟檸檬!

Size都偏大個，而且好香同埋比較少核。

冰糖燉檸檬係傳統養生食品，有清熱下火、化痰功效。
可以止咳祛痰、潤喉、預防咽喉炎、
慢性支氣管炎、對感冒後喉嚨癢有顯著改善作用。
而加入左陳皮的冰糖燉檸檬，味道回甘及帶沉實的陳香，
療效較佳，能冶久咳及化痰。

[孕婦食譜] 鮮奶南棗燉黃耳

黃耳有平價花膠之稱，黃耳含有蛋白質、脂肪、碳水化合物、維生素、膠質等營養成分，
又可以抗衰老，降血脂，降胆固醇，
係一樣好有保健食療價值既食品!
孕婦都好岩食架~~

加埋鮮奶一齊燉，超有營養又滑lulu~~

獅子狗盧荀豚肉卷(照燒汁)

諗唔到煮咩餸，打開冰箱有腩片有獅子狗卷~~

花少少心思，又有個新菜式^^

大人小朋友都好中意呢~

[孕婦湯水] 蕃茄豆腐紅衫魚湯

大肚時經常飲呢個湯，因為魚湯鮮甜有益又有營養~~

含豐富鈣質，豆腐有蛋白質。

而且加蕃茄一齊煲，蕃茄既酸性更有助魚既鈣質溶於湯中!!

街市好多時有一份份既細條紅衫魚賣(好似今次5條只需$25蚊)，

好平而且比煲肉更好~~

我煲湯時會將紅衫魚壓爛，更易出味!所以一定要隔渣呢~~

蒜蓉牛油炒雜菇

Green Monday 簡單D，屋企有一堆雜菇食唔晒，

就一於煮個簡單快手又好味既炒雜菇。

材料：

秀珍菇 (或不同雜菇)   150g

蒜蓉  1茶匙

牛油   10g

1. 落1茶匙油，將蒜蓉爆香

2. 加入雜菇

3. 加一茶匙鹽和少許黑胡椒粉，拌勻再贊酒，炒至8成熟

4. 再加入一片牛油(10-20g) 炒至菇熟

5. 完成

姊姊心得
*菇本身帶有一點泥土味，贊少許米酒或白酒可以去除泥土味，令菇更加。
*最好加入牛油，令上碟時牛油味更濃，
如果一開始用牛油起鑊炒，牛油會變得焦黃色，令菇既賣相會比較黑。

70%黑松露醬本菇炒意粉

 

Green Monday其實食意粉好簡單又方便!!!

用唔同醬加D雜菌/豆一齊炒就完成!!

焗豬扒飯

港式蕃茄焗豬排飯真係同叉燒飯一樣，幾時食都覺得好好味。
今次呢個係新手簡單版，|
用左罐頭蕃茄，味道比新鮮蕃茄易手易控制，
因為新鮮蕃茄甜酸度不一，新手入廚的話一般比較難調味。
今次呢個焗豬排飯非常滿意，一家三口話咁快就清晒！

橙皮甜麵醬炆五花腩

睇左阿爺廚房後，第一個跟阿爺煮既餸!!!
加左橙皮一齊煮既五花腩，冇晒肥膩感~~
好fresh!!好好送飯呢~~

滋潤蘋果水

天氣熱，唔想飲熱辣辣既湯，但又想飲D湯水潤下。
一於就簡單煲個蘋果水，又潤又有益，
可以熱飲或雪凍再飲又得，一家大小都啱！

士多啤梨沙冰特飲 Strawberry Smoothies

天氣熱辣辣，都係情願留係屋企嘆冷氣

如果有埋❄冰凍透心涼❄既飲品就最好～

今次呢個沙冰（smoothie)，

只要3種材料，3分鐘就整好飲得，

真係非常方便，隨時想飲都可以！

芝士豆腐黑松露焗釀大蘑菇

屋企個個都無肉不歡，

但其實只要花D心思，

素菜都可以做到有肉食既口感。

今次呢個焗釀大蘑菇，

加左黑松露醬、豆腐同芝士，

配合厚大蘑菇既口感，

非常好食，而且營養豐富～

一開飯之後，家中各人即刻掃晒～

下次真係要整多D~

*蟹肉蒜香炒意粉*

呢款「蟹肉蒜香炒意粉」，做法簡單又省時!

另一半食到lamlam脷就係我最大既滿足!

薯仔炆雞翼

薯仔炆雞翼，係我第一個跟媽咪學既餸。
簡單既材料，簡易既煮法，
咁多年黎仍然都係最受歡迎既屋企餸~~

今次唔記得加洋蔥，
但依舊一樣咁好味~~~

台式滷肉飯

最近天氣熱到不得了，完全無心情入廚房，
但熱辣辣又唔想出街食，
所以就要諗下有咩可以煮一大煲，有營養好味又可以食幾餐~~

最後諗到台灣既滷肉飯，
既可以配飯配麵，加埋烚蛋做滷蛋，
大人小朋友都會鐘意，
加碟菜，簡單好味又一餐~~~

紅菜頭忌廉濃湯 - Konstar食物料理器

紅菜頭係近年流行既superfood!!

紅菜頭含豐富的礦物質和多種不同的胡蘿蔔素，纖維又高。

而且紅菜頭獨有的甜菜鹼，有助保持肝臟機能健康，

更指有效於防癌、抗衰老，及延緩老化既最佳食物。

[自製蔥油] 香煎蔥油豬扒

自從家姐我識自己整蔥油之後，就不停想煮多D可以用到蔥油既菜式。

前曰已煮左個蔥油撈蝦子麵，雖然簡單，不過加左蔥油之後，真係香到不得了，食唔停口！

今日去買餸，見到梅頭豬肉新鮮又靚，所以就決定煮個「蔥油豬扒」。

梅頭豬扒，肥瘦適中又啖啖肉，老公同仔仔都非常鐘意。

Green Monday- 青醬松子本菇炒意粉

Green Monday要食Green D~~

今次分享一個簡單易整既青醬意粉~~

超市都會有一樽樽既青醬買，但其實自己動手整都好容易!!

而且會梗加新鮮，仲可跟據自己既口味略略調節!!
 

焦糖香蕉合桃磅蛋糕

好耐冇焗野啦!!今次簡單焗左磅蛋糕~~

其實磅蛋糕超易整，配上唔同材料就可以勁多變化!!
岩岩屋企有熟透既banana~~岩晒!!

自製蔥油

蔥油做法簡單，非常容易配搭不同菜色，
蔥油雞扒、蔥油豬扒、蔥油拌麵....
或簡單炒飯加上少少蔥油，味道即刻提升很多~~

每次整一樽，可以用上一段時間，非常方便。

[10分鐘料理] -- 啤酒蝦

10分鐘料理!!!
天氣熱，唔想食肉，又唔想留係廚房咁耐，
所以就快快手煮一個賣相好，又好味既新意既餸…

啤酒蝦係一個唔錯既選擇!!!
煮完後已經冇晒酒味，但又有少少麥香，

食落清爽又唔油膩，

加左辣椒仔少少辣，更加吸引!!

干煸四季豆

干煸四季豆好多時去上海菜館或川菜館都食到，

但好多時都係得一小碟，次次都食唔夠….
今次自己係屋企煮，食得好滿足呢，
最重要係有蝦米辣椒醬既調味，香香辣辣，非常開胃~

叉燒炒蛋

自從自己整叉燒 <<食譜在此>>之後，家姐我已經無再買街外既，

因為比較衛生，而且自己買靚既梅頭，新鮮出爐既叉燒，

肥瘦適中，真係比澳洲燒味店賣既好味好多~~

炸日式芝麻雞翼

雞翼真係有好多唔同煮法，行$12蚊店見到有包類似名古屋手羽先汁!!

一於試下整先，加埋已炒香既芝麻，真係好食到停唔到口~~

今次用左丹麥Danpo雞翼，呢種雞翼無激素，無打針，食得安心又放心!

蕃茄炆豬軟骨

呢期天氣好悶熱又潮濕….個人都冇咩mood…

最岩整D酸酸甜甜既餸菜開下胃!!

豬軟骨平時多數用日式醬汁/麵豉醬炆~

今次用蕃茄炆，好好味道~~而且超好送飯…

另一半食左兩大碗呢~~

秋葵牛肉卷

上次煮日式牛肉飯，重有少量牛肉片淨左，一於將佢變身做個秋葵卷，加個照燒汁，又一個好味有益既餸菜！

日式牛肉飯（吉野家式多汁減糖板）

係澳洲好難搵到吉野家式既日式牛肉飯，

所以都係自己整最好，隨時食都得。

其實日式牛肉飯好易整，而且材料好易買到，

15分鐘就食得，要多汁、特盛或多肉少飯都可以任君選擇~~

有時間的話，配埋流心蛋就更加好味~~

示範短片--->>

與許志安有個約會~

今次好開心出席eCosway X 許志安代言人續約記者會 暨  ASPEN不鏽鋼廚具新品發佈會!!