2016年11月6日 星期日

Green Monday - 紫菜豆腐湯


最近家姐我要清食物櫃,因為要騰空多D位黎緊聖誕節返香港入貨!無錯,又返黎喇!今次要跟媽咪去提早辨年貨,入多D海味!
真係一諗到可以返香港買買食食就開心喇!

今次搵到包放湯用既紫菜,又見到有一大堆冬菇蒂,所以就簡單用冬菇蒂做湯底煮個紫菜豆腐湯。


平時買放湯紫菜,入面都有湯粉包附上,但包粉入面全部都係味精,會越飲越口渴,所以我盡量都唔用。

平時浸乾冬菇,浸水之前我都會搣走個冬菇蒂,留返之後滾湯既時候用。
因為個蒂比較硬,唔太容易食,但又好重菇味,好香,所以媽咪教落,儲埋一堆,做湯底就最好最方便,又可以物盡其用!

如果唔想咁素,想豐富D,可以加魚蛋或肉碎等。




材料:
紫菜(放湯用)一塊
豆腐一盒
冬菇定 8-10粒
水 8碗

做法:
1. 先用水浸軟紫菜,紫菜有機會有沙,而沙會沉底,所以浸軟之後,將紫菜先攞起,再將水倒掉。



2. 冬菇蒂隨水一齊煲,水滾後,較中火滾10分鐘,讓冬菇蒂出味。



3. 加入紫菜同切粒豆腐,3-4分鐘,加入鹽、胡椒粉同麻油調味就完成。



沒有留言:

張貼留言