2016年9月14日 星期三

[逛食材店]Feather & Bone @中環




阿妹早2日去左中環1間好有特色既食材店,
地點位置於中環結志街,即係蘭芳園個條街。

大家行開都知個頭多數都係D街市檔販,賣菜賣魚,
但原來「禾稈冚珍珠」,行入幾個鋪,
有間完全係外國feel既店鋪,綠色裝潢既門面,
係門口透過玻璃望入去,見到入面有好多野賣,
重好似有野食添,咁吸引,當然即刻入去睇下喇~








一入到去,就聞到好香既咖啡香味,
旁邊幾排層架放滿好多種不同既食材、調味料等等,
中間就放有張大木台,可以俾你坐低嘆杯咖啡,
再慢慢諗下要買D咩~


呢間鋪頭係 Feather & Bone ,主要賣外國入口既食材,有好多種唔同貨品,由新鮮蔬果、香草、肉類去到調味料、果醬、零食飲品都應有盡有。主要係來自澳洲、歐美地區。

而鋪入面最吸引既,就係個cheese bar,提供唔同品種既cheese,有法國既又有澳洲,品種真係唔少。



入面有多不勝數、林林總總不同既香料、調味料,非常齊全!


除左西式醬料,仲有泰國既醬料,
呢隻牌子未見過,等我又買幾包試下先!



最意外係俾我搵到呢隻塔斯曼尼亞醬園既果醬,
呢間公司既果醬好出名架!係去塔斯必買既手信,
家姐之前都有買過比我,估唔到係香港都有賣,
重咁齊款添~ 

又忍唔住,買左樽~



而且我重發現竟然佢地有澳洲既
Lilydale free range chicken & Valenca free range pork。

大家都知而家好多雞/豬都會打針打激素令佢地快D大,
但食得多,其實對人都有影響,

特別女仔食得多激素可能會引起唔同既疾病。

因為家姐係澳洲都係食呢個牌子,
所以難得見到要即刻掃呀!!!! 




P.S.家姐係澳洲真係幸福…D雞唔打針又夠地方走…
個胸重好大添⋯隻雞



另外仲有牛肉櫃,唔同parts既都有得賣,
仲有dry-aged 添…睇下價錢唔貴,食得過!






蔬果櫃色彩繽紛,樣樣都新鮮,
可食用花都有得買,整蛋糕甜品就最啱!





仲有個一個小小既廚具Corner ,好少見既Honeycomb~~





平時比較少過海既我,
而家又多個好好既理由拖埋老公去中環行下,
搵佢幫手攞野!今次好多謝Marketing姐姐既邀請同好介紹!!!


Feather & Bone
香港中環結志街18號G/F

沒有留言:

張貼留言