2016年9月17日 星期六

哈羅米 (Haloumi) 芝士羽衣甘藍藜麥沙律配檸蜜沙律汁 (附示範短片)



市場上有好多種唔同既芝士,常見既有夾三文治/漢堡包用既Cheddar芝士、食Pizza 用既Mozzarella 芝士,同埋灑上沙律或意粉既Parmesan 芝士。

大家對芝士大概既印象,應該係芝士遇熱就好易溶,而且好易燒焦既。但今日用黎整沙律既食材 -- Haloumi 芝士就會可能帶俾你一D驚喜。


不如先睇完個食譜,再講 ^o^



材料:
Haloumi 芝士 1包
藜麥      30g
松子仁  20g
牛油果 半個
麵包粒  適量
紅石榴籽 適量
羽衣甘藍     150g


檸蜜沙律醬汁:
鹽 少許
檸檬汁   40ml
蜜糖     1湯匙
橄欖油 2湯匙
Dijon Mustard 1 茶匙 (選擇性)

快速90秒示範短片:



做法:
1. 羽衣甘藍沖洗後,撕下菜葉,撕成小塊;牛油果切片,取出紅石榴籽。

2. 藜麥沖洗後,倒入大碗,加180ml 水放入微波爐加熱8-10分。完成後等10分鐘,隔走水份。

3.將LEMNOS  Haloumi 芝士,從包裝取出,先切開一半,再切成約半CM厚度。用中大火煎香 LEMNOS Haloumi芝士2 面至金黃色。




4. 將沙律醬汁所有材料倒入小碗,拌均備用。





5. 將羽衣甘藍、松子仁、藜麥、紅石榴籽連同沙律醬汁拌勻,最後將鋪上牛油果,麵包粒同已煎好的LEMNOS  Haloumi 芝士就完成!

**************************************

睇完食譜係咪覺得好奇怪,點解芝士可以直接煎又唔溶既??

Haloumi 芝士源自希臘既塞浦路斯 (Cyprus),同其他芝士最唔同既地方係佢「高溶點」,所以可以直接一塊塊咁煎,而唔會溶。

Haloumi 係硬身,帶鹹味既白色芝士。因為唔易溶,所以多數食法都會係煎或者燒,令到外層金黃香脆,入面微微溶化,咁就最好食!!係澳洲,希臘/地中海菜其實好普遍,雖然好多地中海當地既食材都唔可以入口澳洲,但澳洲地大資源多,所以澳洲出產既地中海式既食材都非常出色又多選擇。

而家姐黎左澳洲咁耐,當然有好多機會食過希臘菜,而我食過 Haloumi 芝士之後,就發現其實佢有D似素雞,口感非常似煎香既左既雞胸,少少鹹又好有咀嚼感!做沙律或夾三文治都好好食!

今次我地姊妹食譜交換週記就好榮幸可以同 Feather & Bone 合作,以澳洲既LEOMNS為主題,創作左兩個食譜,其中一個就係呢個--- 哈羅米(Haloumi) 芝士羽衣甘藍藜麥沙律配檸蜜沙律汁。

黎緊有一個食譜創作比賽,以LEOMNS 既Haloumi 芝士為主要食材,由9 月23日開始至10月22日一連4 星期,每星期有唔同主題,而比賽冠軍可以羸取HK$5000購物禮卷,詳情留意Facebook:  LEOMNS Haloumi 芝士食譜創作比賽



沒有留言:

張貼留言